DILI, 30 maiu 2023 (TATOLI)–-Vise Prezidente Komisaun Nasionál Eleisaun (CNE), Domingos Barreto, hateten Partidu polítiku sira-ne’ebé la-liu bareira ka la hetan kadeira iha Parlamentu Nasionál (PN) sei hetan direitu ba subsídiu kampaña eleitorál $4.
Notísia Relevante: Partidu la hetan asentu parlamentár laiha direitu hetan subsídiu $4
“Partidu polítiku sira-ne’ebé hetan asentu parlamentar sira, iha direitu ba orsamentu subvensaun públiku ne’ebé Governu anualmente aprova ho montante miliaun $6 hodi fahe ba kada kadeira rihun $92. Maibé ba sira-ne’ebé la liu bareira no la hetan asentu parlamentar sei hetan direitu ba subsídiu ba Kampanha Eleitoral nian $4,” Domingos Barreto hateten ba Agência Tatoli, iha nia kna’ar fatin Colmera, segunda ne’e.
Nia dehan, partidu polítiku hamutuk 17 ne’ebé konkorre iha eleisaun parlamentár 21 maiu 2023 ne’e, sira hotu-hotu hetan $4, maibé ba subvensun públika ne’e ba partidu polítiku sira-ne’ebé mak hetan asentu parlamentár de’it.
Entretantu, Partidu Polítiku sira-ne’ebé la liu barreira ka la hetan Kadeira iha Parlamentu Nasionál (PN) ne’e sira sei lahetan Orsamentu Subvensaun Públiku, maibe sira iha direitu ba Subsidiu ba Kampana Eleitorál nian, ne’ebé haktuir oha Lei Nú. 2/2016 kona-ba Lei Partidu Polítiku no Dekretu-Lei Nú. 5/201/8 ne’ebé fiksa nia montante 4$ ba kada votu hosi Partidu Politiku konkorente iha eleisaun parlamentár nian.
Jornalista : Osória Marques
Editór : Cancio Ximenes
