Top

2020-2023: Komisaun A iha PN aprova lei 70-resin

Parlamentu Nasionál (PN), liuhosi reuniaun plenária aprova projetu-lei númeru 50/V(5a)-Seguransa, Saúde no Ijiene iha Serbisu iha faze jeneralidade, tersa (28 fevereiru 2023). Imajen Tatoli/António Daciparu.

DILI, 06 juñu 2023 (TATOLI)—Komisaun A trata asuntu Justisa no Konstituisional iha Parlamentu Nasionál (PN) durante hala’o mandatu hosi tinan 2020 to’o 2023 ne’e, produs no aprova inisiativa lei hamutuk 70-resin.

Notísia Relevante: Kaleidoskópiu 2022: PN aprova Orsamentu Retifikativu-OJE 2023

Tuir relatóriu ne’ebé jornalista Agência jénsia TATOLI asesu hosi komisaun A haktuir katak, ba lei sira-ne’ebé aprovadu iha tinan 2020 mak hanesan autorizasaun deklarasaun Estadu emerjénsia ho nia renovasaun hamutuk dala-hitu, realizasaun segundu transferénsia extaordináriu fundu petrolífeiru durante iha tinan 2020 no primeiru alterasaun lei númeru 2/2020, 6 abríl.

Lei númeru 7/2020, 26 agostu, Medida Prevensaun no Kombate Korrupsaun, autorizasaun renovasaun Estadu emerjénsia, aprova Orsamentu Jerál Estadu Estadu (OJE) 2020, aprova lei númeru 12/2020, 19 outubru, Lei Protesaun Sívil, aprova Orsamentu Jerál Estadu (OJE) 2021.

Lei ne’ebé aprova iha tinan 2021 mak hanesan autorizasaun renovasaun deklarasaun Estadu emerjénsia sia (9) no konfirmasaun deklarasaun Estadu emerjénsia ida, autorizasaun Governu prosede alterasaun kódigu prosesu sívil, autorizasaun lejislativa kona-ba baze jerál organizasaun administrasaun públika, aprova rejime jurídiku arbitrajen voluntáriu no prosede alterasaun ba kódigu prosesu sívil, primeira alterasaun lei múmeru 11/2017, 24 maiu (Lei Migrasaun no Asilu), primeira alterasaun lei defeza nasionál, aprova Kódigu Mineiru lei númeru 12/2021, 30 juñu.

Segundu alterasaun lei númeru 11/2009, 07 outubru, aprova divizaun administrasaun territóriu, sesta alterasaun lei númeru 7/2006, 28 dezembru, lei eleitorál ba Prezidente Repúblika, terseira alterasaun lei númeru 5/2006, 28 dezembru (Órgaun Administrasaun Eleitorál), primeira alterasaun lei númeru 6/2016, 25 maiu (lei resensiamentu eleitorál), aprova lei númeru 22/2021, 19 novembru, Lei Eleitorál ba Munisipál, aprova lei númeru 23/2021, 11 novembru, Lei Poder Lokál no Desentralizasaun Administrativa, primeira alterasaun lei númeru 10/2004, 24 novembru (Lei Sistema Saúde), aprova lei númeru 25/2021, 2 dezembru, Lei Organizasaun Judisiáriu.

Aprovasaun lei iha 2022

Aprovasaun lei iha tinan 2022 mak hanesan aprova Orsamentu Jerál Estadu (OJE) 2022, aprova lei númeru 2/2022, 3 janeiru, Enkuadramentu Orsamentu Jerál Estadu no Jestaun Finanseira Públika, primeira alterasaun lei númeru 24/2021, 19 novembru prosede primeira alterasaun lei númeru 10/2004, 24 novembru, Lei Sistema Saúde, no aprova medida exesional no temporária vizilánsia sanitaria respota pandemia COVID-19.

Notísia Relevante: Kaleidoskópiu 2021: PN kontinua suspende proposta alterasaun lei pensaun vitalísia

Aprova lei númeru 4/2022, 23 marsu, Rejime Jurídiku ba Assosiasaun Públika Profisionál, aprova lei númeru 5/2022, 30 marsu, Estatutu Majistradu Judisiál, aprova lei númeru 6/2022, 18 maiu, primeira alterasaun OJE 2022, alterasaun daruak lei Tributária no Kriasaun Fundu Kombatente Libertasaun Nasionál, aprova lei númeru 7/2022, 19 maiu, Estatutu Ministéiru Públiku, lei númeru 8/2022, 15 juñu, Grande Opsaun Planu ba 2023, lei númeru 9/2022, 13 jullu, lei Organizasaun Investigasaun Kriminál, prosede segunda renovasaun medida exesional no temporária  vizilánsia sanitaria resposta pandemia Covid-19, prolonga artigu artigu 3, lei númeru 24/2021, 19 novembru.

Aprova primeira alterasaun lei númeru 25/2021, 24 novembru, lei sistema saúde, aprova lei númeru 14/2022, 21 dezembru Kódigu Direitu Autór.

Aprovasau lei iha 2023

Aprovasaun iha tinan 2023 mak hanesan autorizasaun lejislativa iha material insolvénsia no rekuperasaun empreza, autorizasaun lejislativa iha mateira fixasaun limite idade ba relasaun serbisu funsionáriu públiku no ajente administrasaun públika, primeira alterasaun lei númeru 12/2017, 24 maiu, lei organizasaun no funsionamentu administrasaun parlamentár, segundu alterasaun lei númeru 5/2004, 05 maiu Estatutu Deputadu, primeira alterasaun ba estatutu funsionáriu parlamentár aprova iha anexo iha lei númeru 10/2016, 08 jullu, aprova lei númeru 6/2023, 01 marsu, Lei Protesaun ba Labarik no Joven iha Perígu.

Parlamentu Nasionál aprova mós primeira alterasaun lei númeru 7/2022, 19 maiu, aprova estatutu Ministéiru Públiku, lei númeru 8/2023, 05 abríl, Lei Programasaun Militár, lei númeru 9/2023, 05 abríl, Lei Baze kooperativa no Ekonomia Sosiál Merkadu, segunda alterasaun lei númeru 10/2005, 10 agostu, relativu feriadu nasionál no data ofisiál komemorativa, aprova lei númeru 11/2023, 19 abríl, Seguransa, Saúde no Ijéne iha Serbisu, prosede primeira alterasaun lei númeru 3/2003, 1 jullu kona-ba tributasaun kontratante Bayu Undang, prosede primeira alterasaun lei númeru 4/2019, 27 agostu, aprova rejime laborál no migratóriu espesiál aplikável ba projeitu Bayu Undang, primeira alterasaun kódigu prosesu penál, terseira alterasaun lei númeru 11/2009, 07 outubru, ba divizaun administrativa territóriu.

Notísia Relevante: Kaleidoskópiu 2021: PN aprova OJE 2022-altera pakote lei eleitorál tolu

Jornalista : Nelson de Sousa

Editór      : Cancio Ximenes

Publisidade

Leave a Reply

Latest Post

error: Content is protected !!