Rezultadu analiza amostra mina posu Lafaek iha Indonézia hatudu sinál pozitivu
COVALIMA, 03 agostu 2023 (TATOLI)–Jerente Kompañia Internasionál Timor Resources, Filomeno Andrade, hateten rezultadu amostra mina Lafaek ne’ebé Timor Resources haruka ba Indonézia halo analiza ne’e hatudu sinál pozitivu.
Notísia Relevante: Timor Resources haruka ona amostra mina posu lafaek ba Indonézia
“Ha’u sente iha fulan ida-ne’e bele sai maibé tuir prosedura normál rezultadu to’o mai, Autoridade Nasionál Petróleu no Minerál (ANPM) mak sei fó sai rezultadu aniza hosi amostra ne’e. Rezultadu amostra ne’ebé halo teste ba rai-li’ur, nia rezultadu hatudu posizitu mak ita agora hodi book aan ona, tanba ami hatene ona rezultadu pozitivu. Espesifiku, ita hein ANPM mak anúnsia maibé molok ita buka ona dalan hodi halo preparasaun atu fura ida-ne’ebé,” Filomeno Andrade hateten ba jornalista sira, iha resintu posu Liurai, Camanasa, kinta ne’e.
Tanba ne’e, nia dehan, Timor Resources hahú halo estudu planu produsaun nian oinsá atu halo prosesamentu gás ne’e hala’o iha Same-Betano.
“Ita komesa halo estudu planu produsaun nian oinsá, fatin atu halo prosesamentu gás ne’e sei hala’o iha área Betano, gás iha ne’e sei lori pipe line ba iha prosesu nia laran, nune’e gás lori ba Betano halo prosesamentu. Faze inisiál prosesamentu ne’e lori suplay jeneratór iha Betano no Hera,” nia dehan.
Durante prosesu perfurasaun, gás barak katak posu Liurai nia kapasidade gás fornese ba jeradór bele to’o tinan haat, posu Feto Kmaus no Liurai bele to’o tinan 30.
“Aleinde kapasidade gás, ita mós iha kapasidade mina nian. Enkuantu, ita halo produsaun gás fornese ba iha jeradór, ita mós bolu perfurasaun produsaun gás no atu konfirma produsaun mina nian,” nia hateten.
Tuir dadus husi laboratóriu ANPM mak sei fó sai maibé posu fFto Kmaus, mina no gás millaun 4,6 barril ne’ebé hala’o perfurrasaun kle’an 660, posu Liurai millaun 24.6 barril no posu Lafaek konbinasaun gás ho mina barril millaun 70.
Notísia Relevante: Komisaun D halo fiskalizasaun ba perfurasaun posu tolu iha Covalima paradu
Jornalista : Celestina Teles
Editór : Cancio Ximenes
