OÉ-CUSSE, 08 setembru 2023 (TATOLI – Diretór Jerál Ministériu Saúde, Distritu Timur Tengah Utara (TTU), Repúblika Indonézia, Robert Ceunfin, infroma kazu infEtadu moras HIV-AIDS ne’ebé servisu saúde TTU rejista hamutuk ema na’in-120 no kazu ba moras Tuberkuloze (TBC) ema na’in-800.
Dirijente servisu saúde TTU, Robert Ceunfin, hato’o dadús ne’e hafoin aprezenta iha ámbitu croos border meeting ba programa promosaun moras hada’et entre TTU ho RAEOA iha fronteira Wini, sub-rejiaun Insana, sesta ne’e.
Notísia relevante: RAEOA realiza cross border meeting ho TTU prevene moras hada’et iha liña fronteira
Nia hateten, kazu moras hada’et ne’e, perigu tebes tanba la’os da’et de’it depois kura di’ak fila-fali, maibé bele hamate ema, tán ne’e kazu iha TTU ein-jeralmente iha númeru aas, espesialmente ba kazu TBC ho HIV-AIDS ba malária bele elimina.
Ba moras hada’et de’it ita fokuliu ba moras HIV-AIDS, tinan tolu hirak ba kotuk, ita rejista kazu 220 mak infetadu, hosi númeru ne’e balu mate ona, maibé iha 2023 ne’e ita rejista iha sistema hela de’it 120, maibé balu koopera hodi halo tratamentu iha fasilidade saúde no balu lakoi koopera,” Robert Ceunfin, ko’alia iha ambitu sorumutu ne’e.
Kona-bá moras malaria, tuir loloos eliminasaun ona, maibé iha kazu importadu hosi Papua no Kalimantan, hosi 2019 to’o 2021 iha kazu 37, maibé 26 kazu importadu, to’o iha 2022 la rejista, maibé iha 2023 ne’e rejista fali kazu rua.
“Agora esforsa saida mak ita atu halo, agora ami kontinua halo eliminasaun ho meiu oi-oin, maibé kazu TBC mak sei aas liu, hosi 2019 to’o agora ita rejista kazu 800,” nia afirma.
Nia esplika, kauza hosi kazu ne’e tanba fatór ambiénte, tanba iha illa Timur, maioria konsumu alkohol, kada loron kontinua hemu no fuma, ida-ne’e bele afeta ba saúde liu-liu akontese moras TBC.
Maibé ba kazu sira-ne’e, profisionál saúde iha TTU kontinua aprosima vítima sira, no koopera di’ak ho faslidade saúde hodi hetan tratamentu.
Nune’e kada trimestre servisu saúde sempre hala’o evaluasaun, trasa planu atu halo sensibilizasaun no promosaun iha nivél aldeia no suku sira.
“Kazu tolu ne’e ita kontinua esforsa, ne’ebé iha tempu badak ita-bele eliminasi hanesan malaria, nune’e ba kazu seluk prevalénsia iha ita-bele elimina mós,” nia promete.
Purtantu, nia informa, totál uma-kain rejista iha iha distritu TTU, iha rihun 268, mak ejiste iha sub-rejiaun 24, ho totál postu saúde 24, no hospitál referál iha tolu (3).
Kona-bá alokasaun Orsamentu Jerál Estadu (OJE), kada tinan setór saúde TTU sufisiénte, kada tinan mínimu millaun $1.5 másimu millaun $2.
“Ida-ne’e ami foku ba moras sira-de’it, maibé tanba área TTU ne’e luan, entaun kazu importadu sira bele tama ho fasíl,” nia informa.
Aprezentasaun daruak hosi Diretora Servisu Saúde rejionál Oé-Cusse, Lolita do Santos, relata sai kona-bá kazu TBC iha Oé-Cusse atinje 73%, ekivalente ba ema na’in-50, no kazu HIV-AIDS agora daudaun rejista 56 ba kazu malaria laiha.
Notísia relevante: Atensaun, kazu infetadu HIV-SIDA iha Oé-Cusse sa’e ba 54
Nia informa, mezmu malaria laiha kazu, maibé parte saúde kontinua halo intervensaun, hanesan sensibilizasaun, nafatin advokasia ba komunidade sira iha nivél suku aldeia no mós fahe muskateiru ba komunidade liu-liu iha fronteira.
Tanba dadús iha 2020, iha kazu 11, bazea istória no kronolojia ne’ebé rekolla katak, kazu ne’e importadu hosi fronteira Naktuka Citrana tama mai hosi Kupang, tan ne’e maka servisu saúde halo kedan intervensaun liuhosi fahe muskateiru no rega susuk kada trimestre.
Notísia relevante: Saúde Oé-Cusse rejista kazu TBC 50 iha trimestre daruak
Jornalista: Abílio Elo Nini
Editór: Evaristo Soares Martins
