iklan

INKLUZAUN SOSIÁL

Claudino Soares sakrifíka nia tempu apoia ema ho defisiénsia sira

Claudino Soares sakrifíka nia tempu apoia ema ho defisiénsia sira

Joven voluntáriu, Claudino da Costa Soares. Imajen/Esepsiál.

DILI, 15 dezembru 2023 (TATOLI)–Joven voluntáriu, Claudino da Costa Soares, ho iddae 23, nu’udar foinsa’e ne’ebé sakrifika nia tempu hodi ajuda ema sira-ne’bé presiza tulun liuhosi serbisu volunáriu apoia ema ho dfisiénsia sira iha Organizasaun Special Olimpics Timor-Leste (SOTL).

“Ha’u halo planu ida ba serbisu voluntáriu no estudu iha ensinu superior. Loron sira seluk, ha’u foka ba esudu no iha loron kuarta no kinta lokraik, ida ne’e loron sorin ha’u fó tempu atu ba serbisu voluntáriu hodi tulun ema ho defisiénsia iha SOTL,” nia hateten ba Tatoli liuhosi WhatsApp.

Agora ne’e dadaun, nia serbisu hamutuk ho ema defisiensia katak iha nia vantajen ida mak bele aprende buat foun no kapasidade bele serbisu iha ambiente foun no ema ne’ebe presiza tulun hosi prezensa ema seluk nian.

Foinsa’e ne’e konta serbisu hamutuk ho ema defisiensia iha dezafiu boot ida, tanba sira iha difikuldade fízika no problema kognitivu hodi bele komprende ita ema saúde fízika no intelijensia.

Claudino da Costa Soares relata, atividade konkretu ne’ebé halo hodi serbisu hamutuk ho ema defisiénsia iha SOTL mak oinsa akompaña ema ho defisiénsia intelijénsia hodi hanorin sira konaba edukasaun, saúde, desportu, fotográfu, pintura, boxe ne’ebé nu’udar sai programa importante iha sentru SOTL.

Husu kona-ba espektativa ba nia moris iha futuru, joven ne’e hatán, agora ne’e daudaun prepara nia aan hodi aprende nafatin no kontinua hala’o nia estudu atu bele serbisu hamutuk di’ak liután ho SOTL hodi halo mudansa ba ema ho defisiénsia nia moris iha Timor-Leste.

“Ha’u kontente serbisu hamutuk ho ema defisiénsia oinsa bele hadi’a sira-nia moris no tulun sira atu dezenvolve sira-nia talentu. Maibé atu tulun no promove sira-nia talentu presiza uza palavra xave ida pasiénsia makaas,” nia hateten.

Nia dehan, serbisu voluntáriu hanesan sentimentu umana no solidária ho maluk sira seluk, oinsá bele hatan ba sira-nia difikuldade no dezafiu iha sira-nia moris, nune’e presiza sakrifísiu hodi halo serbisu ida-ne’e.

Antes ne’e, nia iha esperiénsia servisu voluntáriu durante tinan tolu iha Cruz Vermelha Timor-Leste no servisu voluntáriu seluk kona-ba sensu uma kain durante fulan neen iha munisipiu Manatuto.

Ho esperiénsia serbisu voluntáriu bele aprende ona iha CVTL kona-ba oinsá ajuda primeiru sokoru ba ema sira-ne’ebé hetan dezastre no tuir formasaun espesífiku ba iha área ne’e.

Foinsa’e ne’e moris iha Manatutu iha loron 28 maiu tinan 2000 oan dalima husi familia Laurindo da Costa no Filomena Soares no Isaias da Costa Soares, Romana Madalena da Costa Soares, Berzilio da Costa Soares, Zaimito da Costa Soares no Faustia da Costa Soares.

Claudino da Costa Soares hala’o nia estudu pre-eskolar to’o sekundária iha nia rai moris fatin iha Manatutu no atualmente estuda iha universidade Oriental (UNITAL) iha Departamentu inglés husi Fakuldade Edukasaun.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!