DILI, 27 dezembru 2023 (TATOLI)—Ministru Transporte no Komunikasaun (MTK), Miguel Marques Gonçalves Manetelo, rekoñese liña internet daudaun sai preokupasaun públiku, nune’e husu ba Autoridade Nasionál Komunikasaun (ANC,sigla Portugés) hodi ba oin sei koordena ho operadór telekomunikasaun hanesan Timor Telecom, Telecomsel no Telemor atu asegura rede ne’e
“Liña internet barak liu ne’e fornese hosi operadór tolu Timor telecom, Telkomsel no Telemor, ita iha duni probelema internet, maibé Ministériu liuhosi Autoridade Nasionál Komunikasaun (ANC, sigla portugés) ba oin sei iha koordenasaun di’ak ho operadór sira bele asegura kliente sira-nia direitu,” Miguel Marques Manitelu, hateten, iha Salaun MTK, Caicoli, Dili, kuarta ne’e.
Notísia relevante: Komisaun E husu Operadór Telekomunikasaun hadi’ak rede internet
Governante ne’e afirma nia partes imu keixa barak hosi kliente ba operadór tolu ne’e katak dalaruma sosa pulsa $1 foin ense de’it seidauk uza pulsa lakon tiha no ativa pakote sira, maibé rede lentu loos.
Problema rede, Ministru Manetelo dehan ne’e responsabilidade ANC nia, nune’e sira presiza koordena ho operadór tekomunikasaun atubele asegura kliente sira-nia direitu ba asesu rede internet.
“Ita iha duni problema liña internet ne’e, maibé ita hatene katak tantu operadór telekomunikasaun tolu ne’e mó iha kliente barak entaun liña internet bele monu, maibé Governu sei halo esforsu nune’e futuru sei rezolve,” nia kompromete.
Ho situasaun ne’e, Ministru ne’e fó ona atensaun ba ANC atu bolu operadór sira hodi haree situasaun sira ne’e hodi asegura ema-nia direitu.
Notísia relevante:MTK sei bolu operadór telekomunikasaun justifika rede internet lentu
Jornalista : Arminda Fonseca
Editór : Florencio Miranda Ximenes
