Top

SEATOU hamamuk uma haat iha Madohi hodi konstrui edifísiu INAP

Sekretáriu Estadu Asuntu Toponímia no Organizasaun Urbana ho nia ekipa hetan apoiu husi Polísia Nasionál Timor-Leste (PNTL) no seguransa Sívil normaliza dalan no fatin públiku ne’ebé komunidade sira okupa hodi halo negósiu iha área Comoro, Dili, sesta (12 janeiru 2024). Imajen Tatoli/António Daciparu.

DILI, 12 janeiru 2024 (TATOLI)—Sekretáriu Estadu Asuntu Toponímia no Organziasaun Urbana (SEATOU), sesta ne’e, hahú hamamuk uma haat iha suku Madohi, postu administrativu Dom Aleixo, munisípiu Dili, hodi konstrui fali edifísiu Institutu Nasionál ba Administrasaun Públika (INAP).

Notísia Relevante: Dili Day ba dala-254 ho lema Dili “MOS” no “BERTAISS”

Sekretáriu Estadu Asuntu Toponímia no Organizasaun Urbana ho nia ekipa hetan apoiu husi Polísia Nasionál Timor-Leste (PNTL) no seguransa Sívil normaliza dalan no fatin públiku ne’ebé komunidade sira okupa hodi halo negósiu iha área Comoro, Dili, sesta (12 janeiru 2024). Imajen Tatoli/António Daciparu.

“Ohin, SEATOU hamutuk ho Autoridade munisipál no mós INAP, mai atu ko’alia ho família haat ne’ebé nafatin utiliza rai Estadu ne’e. Tanba fatin ida-ne’e sei prepara ba futuru edifísiu INAP nian. Ita hakarak mai ne’e atu koopera ho komunidade hodi hamamauk fatin tanba fatin ne’e futuru ba edifísiu INAP nian. Nasaun presiza dezenvolvimentu no preokupasaun komunidade nian ami lahatene, tanba sira simu ona indemnizasaun iha tinan kotuk,” Sekretáriu Estadu Asuntu Toponímia no Organziasaun Urbana (SEATOU), Germano Santa Brites, hateten ba jornalista sira bainhira akompañia ekipa saneamentu hodi hamamuk uma iha suku Madohi, Dili.

Nia hatutan, família haat ne’e iha hela fatin no fatin ne’ebé ekipa sobu ne’e fó aluga ba fali ba ema. La’ós sira mak hela maibé sira fó osan tutan malu de’it, nune’e fatin ne’e tenke sobu tanba halo ona indemnizasaun ba sira.

“Ita hasai família haat ne’e tanba fulan kotuk Terras Propriedade mós fó ona notifikasaun ba sira. Tanba ne’e, ita tenke hasai bazeia ba despaixu ne’ebé iha. Agora ne’e, ami foka ba família haat ne’e, depois mak haree seluk,” nia hateten.

Governante ne’e esplika, la’ós mai de’it fatin ida-ne’e maibé SEATOU hamutuk ho ekipa kontinua halo kontrolu ba sidadaun ne’ebé okupa rai Estadu inklui área protejida no área risku sira iha mota ninin Comoro ho foho lolon sira-ne’e.

“Atividade ida hanesan ne’e rutina ba Timor-Leste no agora ita foka ba sidade Dili, nune’e oinsá bele kompreende fatin ne’ebé Estadu nian ne’e tenke koopera ho Governu. Tanba ne’e mak ohin ita mai iha ne’e hodi hasai família haat, tanba sira-ne’e hetan ona indemnizasaun,” nia hateten.

Iha fatin hanesan, Nain ba Empreza Dealher Motor Bere Is Back, Luis Bernardo Gamboa, hateten Estadu mós presiza konsidera empreza lokál sira tanba fó servisu ba timoroan.

Notísia Relevante: Cobra husu Governu konserva no halo lutu hale’u lagoa Tasi-Tolu

Sekretáriu Estadu Asuntu Toponímia no Organizasaun Urbana ho nia ekipa hetan apoiu husi Polísia Nasionál Timor-Leste (PNTL) no seguransa Sívil normaliza dalan no fatin públiku ne’ebé komunidade sira okupa hodi halo negósiu iha área Comoro, Dili, sesta (12 janeiru 2024). Imajen Tatoli/António Daciparu

“Desizaun Governu no Estadu ne’e boot liu no ami kolabora tebes, maibé presiza mós halo mediasaun ida ho ami atu ami bele hato’o ami-nia preokupasaun, tanba ha’u aluga ne’e la’ós ba ha’u-aan rasik maibé fó servisu mós ba timoroan hamutuk 20-resin,” nia hateten.

Maibé, nia husu ba Governu sobu ona maibé presiza kria fatin ida ba sira mak sira fó arrendamentu ba Estadu.

“Tanba ami mós fó arrendamentu ba Estadu, fulan-fulan ami hatama $300-$400 maibé depende ba lukru. Ida-ne’e lukru kuandu sura importa sasán mai ne’e fulan ida kuaze $3.000-$4.000. Ami aluga fatin ne’e foin tinan ida, ami osan seidauk rekupera fali. Aleinde taxa, fatin ne’e ha’u na’in konstrui ho osan besik $40.000. Ida-ne’e ha’u-nia fuan kanek loos. Ha’u la kontra Estadu, ha’u koopera ho Estadu maibé konsidera netik bá,” nia dehan.

Nia dehan, nia laiha kbiit atu hasoru no ho fuan kanek no dehan desizaun ne’e boot liu, maibé kuandu Estadu jeneraliza buat ne’e la haree ba ema, loloos ne’e, Estadu fó tolera ba ema tanba empreza fó reseita taxa ba Estadu.

“Agora ita haree iha Timor-Leste, xina mak nakonu no fó tolera. Estadu haree timoroan ne’e hanesan ema seluk, hodi foti desizaun mak sobu no taka,” nia hateten.

Notísia Relevante: Administradór Dom Aleixo husu abitante hamamuk Tasi-Tolu

Jornalista : Osória Marques

Editór        : Cancio Ximenes

Publisidade

Leave a Reply

Latest Post

error: Content is protected !!