iklan

COVALIMA

Semitériu públiku Suai Loro laiha espasu atu haloot mate-isin

Semitériu públiku Suai Loro laiha espasu atu haloot mate-isin

Simitériu públiku iha Suai Loro laiha ona espasu atu haloot mate-isin. Imajen/Celestina Teles.

COVALIMA, 22  fevereiru 2024 (TATOLI)  –  Semitériu públiku ne’ebé lokaliza iha aldeia Lo’o, iha suku Suai Loro-Covalima, laiha ona espasu atu haloot mate-isin sira, tanba ne’e Xefe Suku Suai Loro, Manuel Gomes da Costa, sei fó prióridade atu rezolve problema ne’e.

“Ha’u halo ona sensibilizasaun ba komunidade sira tanba identifika ona rai ektare ida-resin ne’ebé sei sosa ho folin rihun $ 20, maibé sei iha prosesu halo negosiasaun ho rai-na’in”, lider lokál ne’e hatete .

Tuir loloos prosesu negosiasaun ho rai-na’in finaliza ona, maibé tanba sei iha problema interna entre família maka depois rezolve hotu maka autoridade buka solusaun, tanba lider suku ne’e mós finaliza ona sensibilizasaun ba komunidade atu konstribui osan hodi sosa rai atu haloot mate-isin.

Kontribuisaun osan husi kada xefe família husi aldeia Loro, Lo’o no Mane-Ikun $30 no kada fulan kontribui $5. Totál xefe família hamutuk 886 no sei tau osan hamutuk $26.580, husi orsamentu ne’e sei sosa rai $rihun 20, restu 6.580 sei uza halo lutu provizóriu no konstrui mós uma  Pai Nosso ho nia objetivu atu iha tempu finadu bele halo misa.

Eis-Xefe Suku Suai Loro, Martinho Mendonça, antes ne’e hato’o ona ba autoridade Covalima atu haree asuntu refere, maibé to’o ohin loron seidauk iha rezultadu.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!