DILI, 03 abríl 2024 (TATOLI)– Prezidente Repúblika, José Ramos Horta, kuarta ne’e, fó posse ba Pascasio de Rosa, hodi asume kargu nu’udar Adjuntu Prokuradór Jerál Repúblika (PGR) ba mandatu tinan-tolu.
“Ida ne’e hanesan onra boot ida mai ha’u, atu asume kna’ar importante ida iha Ministériu Públiku iha serbisu kontensiozu Estadu,” Adjuntu Pascasio hatete ba jornalista sira iha Palásiu Prezidensiál Dili, ohin.
Ho kna’ar foun, nia promete atu hala’o servisu ho di’ak no defende interese koletivu liuliu Estadu Timor-Leste nian.
“Ha’u nia área espésifiku iha kontensiozu Estadu hanesan ita hatene área ida ne’e, ha’u trata ba iha intrese Estadu nian no defeza ba iha patromóniu no proprieade Estadu nian. Tanba ita hatene iha Estadu ida ne’e partisipa buat barak hanesan kontratuál ho nia propriedade ne’ebé presiza defende no ida ne’e hanesan misaun ba Ministeriu Públiku presiza atu defeza ba iha patrimóniu no interese Estadu nian,” nia tenik.
Biografia badak
Pascasio de Rosa Alves, Oan hosi Patricio Alves Boavida no Rosa Alves Simões, moris iha Baquia, Munisípiu Baucau, loron 10 Abríl 1983. Daudaun hela iha Rua de Perumnas Bairo-Pité, Aldeia Riode Janeiro, Posto Administrativu Dom Aleixo, Munisípiu Dili.
Nivél edukasaun formál mak Eskola Primária Católica de Baguia Baucau iha 1989 to’o 1995. Escola Secundária Católica de Baguia Baucau em 1996 to’o 1999. Colégio são Paulo VI de Dili, em 1999 to’o 2002. Universidade 17 Agustus 1945 Semarang-Jawa Tengah-Indonézia tinan 2002 to’o 2007.
Nivél Edukasaun non formál mak Partisipa Seminariu ho tema “Traficking”, ne’ebe realiza hosi (SENAT)
Universidade 17 Agustus 1945 (UNTAG), Semarang-Indonézia, iha tinan 2004.
Partisipa kursu inglés durante fulan-tolu iha ALFABANK Semarang-Indonézia, iha tinan 2006 no partisipa seminariu tema “Traficking”, ne’ebe realiza husi UNHCR no Hotel Timor, Dili, iha 2009.
Partisipa kursu intensivu Majistradu Judisiál ho durasaun tinan ida no fulan-neen, iha 2008 to’o inísiu tinan 2010, iha sentro Formasaun Judisiária.
Partisipa mós treinamentu kona-bá ujo das provas forênsica na investigação criminal, ne’ebe realiza hosi PNTL ho Prokuradoria Distrital Dili, iha tinan 2010.
Partisipa mós treinamentu kona-bá mekanizmu intervensaun hierárquica iha Ministériu Públiku, aprezenta hosi Dr. Franklim Furtado (eis Procurdor Geral da República de Cabo Verde), iha tinan 2010.
Partisipa Workshop International iha Kuala Lumpur Malazia kona-bá “Investigating, prosecuting and adjudicating money loundering cases” iha tinan 2015.
Eaperiénsia Servisu
Exerse funsaun advogadu privadu iha consultadoria Lei, iha 2007 to’o 2008; “Nomeado como Procurador da República, em 2011”
Sai mós Membro do Concelho Superior Magistrado do Ministério Público (CSMP), 2011 à 2015, Coordenador Serviço Central do Contencioso do Estado na Procuradoria-geral da República, em Junho de 2016, Membro da Comissão Ética para a Saúde do Hospital Nacional Guido Valadares, 2019 no Membro da Equipa no âmbito de coordenação, monitorização e implemantação o plano da ação institucional, em Janeiro de 2020.
Servisu ikus ne’ebé Pascasio halo hafoin assume kargu Adjuntu PJR mak, Koordenadór Prokuradoria Primeira Instánsia Munisípiu Covalima. Hosi esperiénsia hirak ne’e mak Prezidente Repúbkika hili Pascasio hodi asumi kargu importante iha Ministériu Púbkiku.
Notísia relevante:PGR-UNICEF asina MoU ba haree labarik sira-nia direitu
Jornalista : Hortencio Sanchez
Editór : Florencio Miranda Ximenes
