HEADLINE, MUNISÍPIU, OÉ-CUSSE (RAEOA), POLÍTIKA

Komisaun E fiskaliza projetu iha Oé-Cusse kona-ba kustu no rekizitu

Komisaun E fiskaliza projetu iha Oé-Cusse kona-ba kustu no rekizitu

PN Komisaun E enkontru kortejia ho Autoridade RAEOA. Imajen Tatoli/Abílio Elo Nini.

OÉ-CUSSE, 23 maiu 2024 (TATOLI) – Parlamentu Nasionál (PN) liuhusi Komisaun E trata asuntu kona-bá infraestrutura, kinta ohin, ekontru kortejia ho Prezidente Autoridade Rejiaun Administrativa Espesiál Oé-Cusse Ambeno (RAEOA), hodi fiskaliza projetu sira, atu buka hatene kona-bá kustu kontratu no rekizitu implementasaun projetu sira iha Oé-Cusse.

Notísia relevante: DRI no ADN fiskaliza uluk projetu 183 molok halo pagamentu

“Ohin ami hasoru Autoridade RAEOA depois ami sei haree obra sira-ne’ebé hala’o iha Oé-Cusse, hanesan estrada, bee-moos, aeroportu no obra sira-ne’ebé harii no on going hela, atu haree kona-bá obra balun kustu bootliu, maibé ita sei haree ADN mós sei mai halo verifikasaun, tanba saida mak kustu ne’e bootliu, sira foti sistema ne’e husi ne’ebé depois ita sei haree,” Prezidente komisaun E, Marcos Xavier ba jornalista sira hafoin remata enkontru kortejia ho Autoridade RAEOA.

Reprezentante povu nia lian uma fukun Parlamentu Nasionál ne’e, informa, bainhira fiskaliza obra sira hotu, komisaun E sei haree obra sira-ne’ebé pendenti, no balu on-going tanba obra foun implementa iha 2024 seidauk iha, maibé obra tuan sira-ne’e sei suspende atu haree nia rekizitu sira.

Notísia relevante: OJE 2024, RAEOA seidauk ezekuta kapitál menór no kapitál dezenvolvimentu

Iha biban ne’e, Prezidente Autoridade RAEOA, Rogério Tiago Lobato, informa, durante iha enkontru ofisiál ne’e parte autoridade informa kona-bá infraestrutura sira-ne’ebé uluk halo no daudaun ne’e la’o hela, hanesan estrada husi Tono ba Oésilo no husi Noefefan ba Oénunu, no informa mós kona-bá Roo Haksolok no irregularidade aviaun ZEESM nian.

“Ha’u senti katak, fiskalizasaun ne’e di’ak, tanba ita kuandu serbisu, iha infraestrutura ita konstrui uza Estadu nian, tenki uza hali didi’ak, tan ne’e sira (PN) mai ne’e atu fiskaliza, entaun ami iha obrigasaun no devér atu informa buat ne’ebé loos,” nia hateten.

Notísia relevante: RAEOA propoin millaun $93 iha tetu OJE 2024 atu konklui projetu 99

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!