iklan

SAÚDE

Labarik feto rihun 13 iha Liquiça sei simu vasina HPV

Labarik feto rihun 13 iha Liquiça sei simu vasina HPV

Vasinasaun Human Papillomavirus (HPV). Imajen/Espesiál.

DILI, 13 Juñu 2024 (TATOLI)–Diretór Servisu Saúde munisípiu Liquiça,  Luís M. Albino, hateten servisu saúde munisipál iha lista estudante feto ho idade 11 to’o 14 hamutuk rihun 13 sei simu vasina Human Papilomavirus (HPV) iha fulan oin.

Notísia Relevante: Labarik feto rihun 55 iha ensinu báziku sei simu vasina HPV

“Ha’u simu relatóriu kompeletu ona no prepara ona fó formasaun ba ita-nia pesoál saúde sira atu fó vasina ba labarik feto sira,” Diretór Servisu Saúde munisípiu Liquiça ne’e hateten ba Agência Tatoli hafoin partisipa semináriu “Stakeholder Consultive Workshop for validation of vulneravelity anda adaptation assesmente and climate anda health risk profile for Timor-Leste”, durante loron tolu hodi halo validasaun ba dadus perfil risku klima no saude no relatóriu Vulnerabilidade no Avaliasaun iha munisípiu hotu-hotu, iha Delta Nova.

Nia hateten, servisu saúde munisipiu Liquiça prepara ona kaixa jelera sira hodi fahe ba postu sira hodi tau doze vasina Human Papilomavirus (HPV).

“Ita prepara de’it ita nia-kaixa jelera atu depois doze vasina lori ba, ita rai no konserva tiha, atividade ne’e bele la’o,” nia dehan.

Ba kestaun ne’e, nai dehan, Servisu saúde munisípiu Liquiça hala’o hela sensibilizasaun no foku prinsipál mak halo sensibilizasaun ba estudante no inan-aman sira atu hatene di’ak-liu kona-ba prevensaun moras kankru serviks ka kolu úteru.

“Liuliu mak estudante no inan-aman sira atu komprende didi’ak objetivu hosi imunizasaun ida ne’e. Nia prevensaun ne’e halai ba iha kankru ba inan feton sira. Profisionál saúde sira mós sei envolve iha advokasia ne’e ho líder komunitaria sira,” nia hateten.

Nia garante, atividade ba imunizasaun HPV ba labarik feto ho idade 11 to’o 14 ne’e, sei lansa iha 22 jullu 2024 iha munisipiu Ermera iha Loron Nasionál Saúde nian, iha servisu saúde Liquiça mós sei hahú fó vasina ba labarik feto sira iha eskola no sentru no postu saúde sira.

Notísia Relevante: Prevene kankru serviks, Tinan ne’e TL introdús ona vasina HPV

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!