DILI, 20 juñu 2024 (TATOLI)–Diretór Servisu Apoiu Diagnóstika no Terapeutika iha Ospitál Nasionál Guido Valadares (HNGV), Vidal de Jesus Lopes, hateten HNGV rejista Top Diagnotika moras 10 ne’ebé afeta ba pasiente sira no kauza ba mortalidade.
Notísia Relevante: HNGV rejista ema mate hamutuk 456 iha trimester dahuluk
Moras sira-ne’e mak hanesan Death before arrival, bebe mate iha kabun laran, falla respiratóriu, severe asfhixia, severe Shock, strock hemororgic, multiorgan failure, pulmonary Tuberkolosia, Sepsis Shock no cardiac arrest.
“Moras sira-ne’ebé sai ten top kauza mate iha ospitál ne’e barak, maibé ha’u fó 10 besar ka Top 10 de’it,” Diretór Servisu Apoiu Diagnóstika no Terapeutika iha HNGV, Vidal de Jesus Lopes, hateten ba jornalista sira, iha HNGV, Bidau, kinta ne’e.
Nia hateten, iha kauza hosi moras sira seluk ne’ebé halo pasiente mate iha HNGV, maibé dadus hatudu katak ema mate iha ospitál ansionál ne’e maioria kauza husi moras 10 ne’e.
Moras hirak iha leten ne’e, nia hateten, hirak ne’e afeta ba ema idade hotu-hotu ne’ebé ospitál rejista.
“Idade ne’e nia karatéristika husi idade zero to’o 75. Ezemplu, labarik sira mate iha nia inan nia kabun laran, ne’e númeru ne’e iha, ita labele define,” nia dehan.
Notísia Relevante: Juñu : Ema 12 mate iha sala emerjénsia HNGV
Jornalista : Jesuína Xavier
Editór : Cancio Ximenes
