DILI, 24 juñu 2024 (TATOLI)– Médiku espesialista hosi Australia ka Plastic Surgeon, segunda ne’e, halo sirurjia ka operasaun ba labarik ibun sakat (Clef Lips no Cleft Palate) hamutuk hamutuk 11 iha HNGV, Dili.
Notísia Relevante: Janeiru-novembru: HNGV halo ona operasaun ba labarik ibun-sakat 21
Diretora Ezekutiva Ospital Nasionál Guido Valadares (HNGV), Cecilia Barros Mendonça, hateten médiku espesialista sira hahú horisehik rejistu ba iha labarik sira ema hamutuk 55 ne’ebé hein ba sirurjia.
“Mediku espesialista sira husi Austrália sei halo operasaun ba labarik sira durante loron lima iha HNGV, durante semana ida-ne’e nia laran,” Diretora Ezekutiva Ospital Nasionál Guido Valadares (HNGV) ne’e hateten ba jornalista sira liuhosi konferensia imprensa iha HNGV, Bidau, segunda ne’ e.
Tuir nia, labarik sira-ne’ebé atu hetan sirurujia mai hosi munisipiu hotu iha territóriu, ne’ebé iha semana ida-ne’e nia laran sei atende hosi médiku espesialista sira husi Austrália.
Notísia Reelevante: Doutór espesialista Austrália konsulta labarik ibun-sakat 200-resin iha HNGV
Jornalista : Jesuína Xavier
Editór : Cancio Ximenes
