iklan

EDUKASAUN

Papa prezide misa iha lian Portugés-orasaun universál lee iha dialeitu 6

Papa prezide misa iha lian Portugés-orasaun universál lee iha dialeitu 6

Amu Papa Francisco. Imajen/AP

DILI, 09 jullu 2024 (TATOLI)–Reprezentante Vatikanu iha Timor-Leste, Nunsiu Apostólika, Monseñor Apostólika Marco Sprizzi, hateten Santo Padre Francisco sei prezide misa solene iha Tasi-Tolu, iha 10 setembru ne’e, ho lian Portugé.

Notísia Relevante: Igreja prepara túnika 2.000 no siboriu 4.000 ba ministru estraordináriu

Monseñor Apostólika Marco Sprizzi Marco Sprizzi dehan, iha orasaun universál ka orasaun dusfieis ne’e sei lee iha dialetu neen mak hanesan Makasae, Baiqueno, Bunak, Galolen, Mambae no Fataluku.

“Misa sei halo ho lian Portugés, leitura iha dalen Tetun. Papa sei halo omilia iha lian Español no sei iha tradusaun ba iha lian Tetun ne’ebé halo hosi padre timor-oan ida,” Reprezentante Vatikanu iha Timor-Leste, Núnsiu Apostolika, Monseñor Apostólika Marco Sprizzi, hateten ba jornalista sira liuhusi Konferénsia imprensa iha Episkopál, Lecidere, tersa ne’e.

Iha fatin hanesan, Arsebispu Arkidioseze Metropolitana Díli, Dom Vírgilio Kardeál do Carmo da Silva, SDB, hateten igreja nia preparasaun ba Papa Francisco nia vizita pastorál iha Timor-Leste ne’e atinje ona 80%.

Notísia Relevante: Membru koru 1.100 partisipa misa solene Papa Francisco prezide iha Tasi-tolu

“Hahú juñu, ita fahe orasaun atu sarani sira reza ba amu Papa. Itá fahe mós manuál katekeze hamutuk rihun 15 ba kada Dioseze no to’o ona ba parokia sira, institutu no eskola ensinu sekundária no superior sira,” Arsebispu hateten.

Kardeal ne’e mós dehan igreja mós prepara ona siboriu no tunika no fó formasaun ba ministru extraordináriu, múzika, no preparsaun espirituál seluk la’o hela.

“Preparasaun ne’e, hela de’it 20% no atu kontrola sasán sira-ne’e to’o kompletu,” amu bispu ne’e dehan.

Notísia Relevante: Konstrusaun altar no toilet ba VIP iha Tasi-Tolu atinje ona 76%-70%

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!