DILI, 02 agostu 2024 (TATOLI)–Governu liuhusi Ministériu Edukasaun fó pedidiu ba Empreza Dco Unipesoál, Lda, atu konstrui sala atendimentu saúde ida iha sala Very Importante Person (VIP) iha Aeroportu Prezidente Nicolau Lobato, Comoro, Dili.
Notísia Relevante: Reabilitasaun sala VIP iha aeroportu Nicolau Lobato Comoro atinje ona 80%
Enjiñeiru empreza Dco Unipesoál, Lda, Constantino Mendonça, pedidiu ne’e bazeia ba vizita sua santidade Papa Francisco mai Timor-Leste, entaun Governu husu atu empreza halo sala ida ba atendimentu saúde ba sala VIP nian.
“Sala atendimentu saude hanesan ba situasaun emerjensia ba sala VIP nian. Ida-ne’e Ministériu saúde mak husu,” Enjiñeiru empreza Dco Unipesoál, Lda, Constantino Mendonça, hateten ba Agencia Tatoli liuhosi WhattShapp.
Constantino Mendonça konsidera preparasaun sala atendimentu saúde iha sala VIP nian ne’e hanesan obra adisionál ida-ne’ebé Governu atribui ba empreza.
Tuir nia, obra ba reabilitasaun sala VIP iha Aeroportu Prezidente Nicolau Lobato, Como, Dili, nian ne’e atinje ona persentajen di’ak no servisu kontinua la’o iha terrenu.
“Konaba progresu servisu ne’e atu termina ona tanba plafon ka tetu atinje 85%, maibé ne’e la’o hela,” nia dehan.
Srvisu ne’ebé seiduak finaliza loloos mak hamos azulezu no taka fali tapete foun ba iha sala VIP nian no tapeti ne’ e foun ne’e empreza sosa ona iha Indonésia no empreza hein hela, dalaruma semana oin mak tapeti ne’e sei to’o mai.
Jornalista : Jesuína Xavier
Editór : Cancio Ximenes
