DILI, 10 setembru 2024 (TATOLI) – Sarani sira rihun ida-resin husi munisípiu Bobonaro no Liquiça iha tuku 07:25 ne’e to’o ona Tasi-Tolu, Dili hafoin sai husi fatin konsentrasaun Kaitehu, Liquiçá iha tuku 04:00 madrugada.
Tuir dalan perigrinu sira hananu no kaer uza uniforme kamizola, salurik, xapeu no bandeira Vatikanu kór mutin-kinur, bandeira RDTL hodi hakbesik-an ba altar Santu atu simu bensaun direita husi Sua Santidade Papa Francisco.
Tuir observasaun Agência TATOLI iha terrenu nota katak sarani sira la’o-ain hosi Kaitehu, akompaña husi ekipa ekurteiru, ekipa médiku, CVTL no hetan seguransa másimu husi Polísia Nasionál Timor-Leste (PNTL) munisípiu Bobonaro ne’ebé lidera direitamente husi Superintedente Xefe Agustino Gomes.
Sarani husi munisípiu Liquiçá nian la’o-ain husi suku Tibar, postu administrativu Bazartete mai Tasi-Tolu.
Observasaun seluk ne’ebé Agência TATOLI iha área Comoro nian nota katak, sarani hahú la’o-ain iha tuku 5:00 dadeersan, lori ho hahán no bee-moos. Hahán ne’e komposta hosi katupa, biskuit no bee.
Purtantu sarani sira husi lidun sidade Dili maioria ho kamizola “Que a vossa fé seja a vossa cultura.
Entretantu husi munisípiu sira hanesan Viqueque hahú tama dadeer ne’e no oras ne’e hosi parte Liquiçá, Bobonaro nian iha dalan atu mai Tasi-Tolu.
Husi parte Igreja nian husi munisípiu ne’ebé antes ne’e tama ona Dili hahú organiza transposrta sarani sira ho karreta ba hatún iha área estátua Nicolau Lobato.
Husi sentru pastorál Surik Mas no sentru pastorál Bairru-Pité oras ne’e hahú mobile sarani sira aranka ba Tasi-Tolu.
Viajen pastorál ne’e Papa Francico hahú uluk husi Indonézia, Papua Nova-Guiné, Timor-Leste no ikus liu iha Singapura.
Iha loron dahuluk, sarani rihun ba rihun simu Papa Francisco forma husi aeroprtu Nicolau, estátua Nicolau Lobato, eskola 30 agostu, ponte CPLP, aéra Plaza nian, eis merkadu Komoro, Fatuhada, Kampu Alor, Palapasso, Farol to’o Motael.
Hakarak informa katak, oras ne’e ne’e Papa Francisco iha hela Asosiasi Lembaga Misionari Awam (ALMA), Praia dos Coqueiros, Dili.
Notísia relevante:
Jornalista: Sérgio da Cruz
Editór: Evaristo Soares Martins
