DILI, 19 dezembru 2024 (TATOLI)—Institutu Nasionál Estatístika Timor-Leste, Institutu Públiku (INETL ,I.P) fó sai relatóriu mensál ba Estatístiku Komérsiu Esternu, ne’ebé hatudu katak valór importasaun Timor-Leste atinje millaun $92 iha outubru 2024.
Relata mós katak iha nasaun hamutuk 50 mak halo esportasaun mai Timor-Leste, hahú husi loron 01 to’o 31 outubru 2024.
“Totál importasaun mai Timor-Leste iha outubru 2024 hamutuk $92.978.619, ida-ne’e la inklui valór sasán ne’ebé importa ba utilizasaun husi Embaixada no alta komisaun estranjeiru sira, sasán ne’ebé importa ba fornesimentu tropa estranjeiru tanba importasaun sasán husi organizasaun hirak ne’e konsidera hanesan importasaun non merkadoria,” referidu nota ne’ebé Agência Tatoli asesu, kinta ne’e.
Nasaun 50 ne’ebé halo importasaun mai Timor-Leste ne’e mak hanesan Indonezia $40.069.628, Repúblika Populár Xina $14.852.814, Austrália $4.205.570, Taiwan $4.169.975, Hong Kong $3.305.634, Índia $3.214.392, Japaun $3.078.117 no Brazíl $2.952.091.
Notísia relevante : INFPM simu produtu médiku hosi empreza importasaun tolu
Vietname $2.948.255, Estadu Unidu Amérika $2.869.567, Singapura $2.288.083, Malázia $2.098.601, Tailándia $1.609.935, Belgia $1.510.142, Portugal $785.598, Olanda $570.223, Myanmar $274.740, Reinu Unidu $274.283, Suésia $225.248 no Alemaña $207.632.
Bangladesh $184.126, Filipina $173.479, Fransa $169.702, Emiradu Árabe Unidu $158.929, Fiji $152.670, Dinamarka $ 125.647, Israel $116.885, Repúblika Correia Súl $105.112, Nova Zelándia $81.889, Turkia $67.756, Áfrika Súl $39.125, Itália $28.711 no Pakistaun $17.363.
Español $16.733, Repúblika Irlandia $5.854, Méxiko $5.657, Polánia $5.230, Noruega $2.837, Ejiptu $2,236, Portu Riku $2,135, Illa Salomão $1,668, Finlándia $1,266, Zimbabué $1,251, Suisa $1,041, Ukránia $347, Grésia $2,22, no Ekuador $1,060.
Valór importasaun $92.978.619 ne’e ba folin sasán hamutuk 91, ne’ebé rejista husi INETL, lima husi sasán sira-ne’e maka mákina no ekipamentu elétriku no nia parte sira, gravadór lian no dispozitivu reprodusaun nian televizaun, no seluk tan hamutuk valór $4.054.153.
Iha mós nesesidade ba jestu, kalku no simentu maka $5.567.466, veíkulu ho nia parte sira no asesóriu sira maka $9.445.241, sereál oin-oin (koñesidu mós hanesan sereál ka musan) maka $9.698.406 no kombustível maka $14.418.327.
Relatóriu ne’e mós haktuir katak iha períodu hanesan Timor-Leste halo ona esportasaun ho valór $2.829.393 ba nasaun oin-oin hanesan Austrália $284.532, Repúblika Populár Xina $111.006 no Fransa $1.125.
Reinu Unidu $99.840, Indonézia $1.144.956, Japaun $299.650, Repúblika Korea $94.578, Malázia $3.164, Singapura $103.936 no Estadu Unidu Amérika $686.606.
Jornalista : Arminda Fonseca
Editora : Julia Chatarina
