KOVALIMA, 17 fevereiru 2025 (TATOLI) – Institutu Nasionál Estatístika Timor-Leste, Institutu Públiku (INETL,I.P), iha ámbitu serbisu, foku ba atividade prinsipál haat ne’ebé mak implementa iha munisípiu Kovalima.
Xefe Servisu Estatístika Munisípiu Kovalima, Fernando Ferreira dehan, hala’o servisu pontu haat mak hanesan kompilasaun dadus indeks presu konsumidór sira, dadus otelária, kompilasaun dadus rejistu populasaun, no kompilasaun dadus prinsipál no importante sira publikasaun munisípiu tuir númeru iha 2023.
“Ita kompilasaun dadus indeks presu konsumidór sira IPK tuir referénsia tempu semanál rekolla dadus kada kinta feira uza ekipamentu Smartphone aneksa formatu. Mensál rekolla dadus iha loron 30 no 31 ne’ebé aneksa ho formatu”, Fernando Ferreira dehan ba TATOLI, iha Tabakolot, ohin.
Rezultadu atividade iha 2024 rekolla dadus otelaria ne’ebé ho nia tempu kuateran primeriu to’o ba da haat.
Atividade kompilasaun dadus rejistu populasaun ho tempu semestrál ne’ebé hala’o de’it iha semestrál rua.
Kompilasaun dadus prinsipál no importante sira ba publikasaun munisípiu iha 2023 ne’ebé finaliza ona relata ona ba nasionál hodi prosesa edisaun halo analiza no ba publikasaun.Publikasaun limitadu bele kopia eletróniku ka asesu iha situs estátistika.
Aleinde hala’o atividade haat INETL, I.P Kovalima mós iha tan atribuisaun atividade servisu nasionál iha munisípiu hodi halo koordenasaun servisu estatístika munisípál mak hanesan lansamentu no diseminasaun sensu fó fila fali 2022, iha nível nasionál to’o postu ne’ebé finaliza ona iha 5 agustu to’o 15 agustu 2024 ne’e.
Peskiza atividade negósiu ka empreza ho durasaun tempu hahú 4 marsu termina ona iha 30 abríl 2024.
INETL,I.P, Ministériu Finansa servisu hamutuk ho Banku Nasionál hodi implementa peskiza nasionál ba padraun moris ho dirasaun tempu atividade hahú 4 abríl termina iha 4 outubru 2024.
Ekipa peskizadór ba konsumu ikan nasionál hahú servisu iha 1 to,o 18 outubru 2024 área definida iha postu Administrativu Fatululik Suku Taroman , Fatumea iha suku Belulic Leten, Fatumea ho Nanu. Fohorem iha suku Dato Tolu, Fohorem no Lactos.
Postu administrativu Maukatar iha suku Belekasak, Matai no Ogues. Suai iha Suku Camenasa, Beco, Debos no Suai Loro.
Tilomar iha Suku Beiseuc,Kasabauc, Lalawa no Maudemo no Postu administrativu Zumalai iha Suku Fatuleto, Lour, Raimea, Tashilin no Zulo.
Ho nune’e nia rekomenda funsionàriu servisu iha estatístika munisípiu kada departamentu ajusta no korresponde seksaun no departmentu sira, rekruta pesoál ho posizaun koordenadór estátistika postu administrativu ne’ebé pertense ba Kovalima no entidade hotu atu melorra koordenasaun fó importánsia hodi disponibiliza dadus estátistika ne’ebé exaktu.
Bazeia ba baze legál dekretu-lei númeru 17/2003 ,1 outubru fó podér tomak ba dirasaun Nasionál Estatístika atu bele halo kolesaun dadus sensus no peskiza.
Diploma Ministeriál númeru 13/2009, 25 fevereiru ba estatutu organigrama dirasaun jerál analiza no peskiza .
Estatutu orgánika dirasaun jerál estátistika númeru 38/2014,19 novembru.
Jornalista:Celestina Teles
Editór :Rafael Ximenes de A Belo
