KOVALIMA, 26 Marsu 2025 (TATOLI) – Xefe Estadu Timor-Leste, José Ramos Horta mehi hakarak haki’ak kuda Timor, tanba relasiona filme Austrália ho títulu legenda Pony Timor.
“Ha’u iha meiu tan karik, ha’u fó apoiu maka’as liután no hakarak haki’ak kuda Timor, tanba kuda Timor famozu, hanesan iha nasaun Austrália, legenda filme Pony Timor ”, Xefe Estadu , José Ramos Horta, hato’o ba jornalista sira, iha AMC ohin.
Ho filme lendáriu Austrália Timor Pony (https://youtu.be/RbaruvqGpUE) sai inspirasaun ba Xefe Estadu hodi fó apoiu orsamentu hala’o atividade kurrida Kavalo hodi anima komunidade sira iha munisípiu Kovalima.
Poni Timor, rasa ida ho istória ne’ebé riku, sai lejenda iha folklore australianu, ne’ebé famozu liu imortalizadu iha Banjo Paterson nia poema “The Man from Snowy River”. Poni ki’ik hamriik ho aas liman 10 to’o 12 (40 to’o 48 polegadas), koñesidu ba nia forsa, frugalidade, no agilidade.
“Uluk ha’u ki’ik tinan haat de’it sa’e kuda monu ho nune’e halo ha’u hadomi kuda, tanba PR nia orsamentu limitadu fó apoiu uitoan, ha’u hakarak futu manu” nia dehan.
PR apoia rihun $ 26
Atividade kurrida Kavalo ne’e PR fó apoiu orsamentu rihun $ 26 hodi hadia kampu kurrida Kavalo no fatin futu manu, iha suku Suai loro, Postu administrativu Suai, Munisípiu Kovalima.
PR Horta fó apoiu orsamentu hodi hadi’a kampu, tanba atividade kurrida Kavalo sai hanesan kulturál, iha munisípiu Kovalima.
Iha atividade kompetisaun kurrida Kavalo, dada tali ne’e, manan-na’in sira sei hetan prémiu husi komisaun organizadora.
Notísia relevante:Benefisiáriu 500 simu nesesidade bázika husi Xefe Estadu
Jornalista:Celestina Teles
Editór:Rafael Ximenes de A. Belo
