DILI, 03 Juñu 2025 (TATOLI)–Vise-Ministra ba Asuntu ASEAN, Milena Rangel, hateten daudaun ne’e Timor-Leste iha ona faze ikus atu sai nu’udár membru plenu ba ASEAN tanba apoiu masimu no servisu hamutuk husi parte hotu.
Notísia Relevante: FONGTIL sujere Governu investe iha setór produtivu iha ámbitu sai membru plenu ASEAN
“Ita hahú husi prosesu naruk hahú 2011 to’o agora, maibé Ministeriu Negósiu Estranjeiru no Kooperasaun mak iha liña frente, maibé hetan apoiu másimu husi parte hotu mak ohin loron servisu hotu la’o ho di’ak no ita besik ona ba faze finál,” Nia hateten ba Agência Tatoli lihusi programa “Entrevista Eskluziva” ho topiku “Preparativu sira hahú Juñu-Outubru ba Timor-leste Nia Adezaun hanesan Membru Plenu” iha estúdiu, Farol, ohin.
Nia dehan, parte hotu ne’ebé durante ne’e fó sapoiu másimu mak hanesan Governu seluk troka ba Governu seluk, Sosiedade Sivíl, Setór Privadu no nasionál sira, Akademiku, juventude no seluk tan nia kontribuisaun.
“Sira hotu-hotu fó kontribuisaun uitotan-uitoan mak ohin loron ita bele alkansa objetivu nasionál ne’e. Ida-ne’e, momentu ida oportunu atu ita bele selebra hamutuk tanba ita atinje duni ita-nia mehi ne’ebé hahú kedan iha tinan 1974 ne’e,” Milena tenik.
Kona-ba preparativu Timor-Leste nian, Governante ne’e hateten, delegasaun ne’ebé lideradu husi Primeiru-Ministru Kay Rala Xanana Gusmão orienta ona lina Ministeriál hotu atu hala’o servisu ne’ebé másimu hahú fulan-juñu ba oin tuir idaidak nia kompeténsia.
“Líder sira ASEAN haree ita nia progresu liuhusi roteiru ne’ebé fó mai ita mak sira rekoinese katak ita nia implementasaun roteiru signifikativu tebes no to’o ona alutura ida katak labele hein tan atu Timor-Leste sai nafatin membru observadór maibé tenke haka’at ona ba membru plenu, roteiru ne’e mak saui hanesan indikadór prinsipál ba ita nia adezaun, Primeiru-Ministru orienta ona katak ita sei iha servisu kiikoan balu ne’ebé presiza halo hodi finaliza, nune’e simeira tuir mai iha fulan-outubru sira bele simu ona ita nu’udar membru plenu,” Milena hateten.
Nia hatutan, orientasaun husi Primeiru-Ministru liuhusi reuniaun Konsellu Ministru estabelese kedan rezolusaun atu forma ekipa ida entre liña ministeriál atu responde espesifikamente kona-ba saida mak istipula iha paragrafu ne’ebé ko’alia kona-ba Timor-Leste nia adezaun ba ASEAN.
“Ita sei haree atu servisu maka’as liu mak kona-ba akordu ekonómiku, entaun ita sei servisu maka’as liután oinsa atu haree ba oferta ofisiál ba merkadu ba iha akordu prinispál sira. Agora ekipa tékniku sira halo hela servisu ba ida-ne’e no iha tempu badak bele aprejenta ba Konsellu Ministru atu bele halo negosiasaun ho Estadu membru sira antes to’o fulan-Outubru.
Antes ne’e, iha 29 Maiu 2025, Governu liuhusi reuniaun Konsellu Ministru aprova projetu Rezolusaun Governu ne’ebé aprezenta husi Vise-Ministra ba Asuntu ASEAN, Milena Maria da Costa Rangel, ne’ebé estabelese kriasaun grupu traballu interministeriál ida-ne’ebé responsável ba implementasaun rekomendasaun ne’ebé hatuur iha Deklarasaun Prezidénsia ASEAN nian ne’ebé emite iha Simeira ASEAN ba da-46.
Ida-ne’e ho objetivu atu konklui prosedimentu formál sira-ne’ebé nesesáriu, nune’e mós aselera negosiasaun sira kona-ba akordu ekonómiku prinsipál sira-ne’ebé nesesáriu ba prosesu adezaun plenu Timor-Leste nian ba organizasaun ne’e, ne’ebé tuir planu sei hala’o iha fulan-Outubru 2025.
Notísia Relevante: Parlamentu louva esforsu Governu ba adezaun plena Timor-Leste ba ASEAN
Notísia Relevante:
Jornalista : Hortencio Sanchez
Editór : Cancio Ximenes
