DILI, 10 Juñu 2025 (TATOLI)—Esperiénsia joga iha klube Benfica Macau, estáju iha Sporting Clube de Braga Portugál no reprezenta Timor-Leste hodi partisipa jogu All-Stars ASEAN ka jogu karidade internasionál hodi hasoru Manchester United iha loron 28 Maiu 2025 iha Malázia, lori futebolista João Pedro sai Man of The Match iha jogu kualifikasaun tasa Ázia AFC 2027, iha Estádiu NRL Darwin, iha 10 Juñu 2025.
Notísia Relevante: Ekipa Selesaun Nasionál Timor-Leste aranka ona ba Austrália
Hahú ho mehi sei fó mehi ba ekipa Timor-Leste hodi esforsu aan hatudu jogu “tebe-tebe” ka jogu “bonitu” iha primeira parte, ho jogadór Galy Freitas fó asiténsia ba jogadór João Pedro konsege marka golu ida (1) iha minutu 44.
Joga kontinua la’o ekipa rua halo kontra atake makaas, maibé to’o jogu primeira parte termina, rezultadu mantein nafatin ho Timor-Leste 1 no Maldivas 0.
Hafoin de intervalu, bainhira arbitru huu arbitu hatada jogu segunda parte atu hahú, ekipa rua halo nafatin kontra atake ho rítmu aas maibé la konsege marka golu, nune’e ho rezultadu mantein ho Timor-Leste 1 no Maldivas 0.
Tanba ne’e, jogu entre ekipa Timor-Leste ho Maldivas ba kualifikasaun Tasa Ásia AFC 2027 – ronde datoluk, iha Estádiu NRL Darwin, rezultadu ikus (Full Time) mak Timor-Leste manán Maldivas ho eskor 1-0.
Timor-Leste partisipa jogu kualifikasaun tasa ázia AFC 2027-ronde datoluk ne’ebé Timor-Leste iha grupu A hamutuk ho ekipa futeból Tazakistaun, Maldivas no Filipina.
Nasaun tolu ne’ebé hamutuk ho Timor-Leste iha grupu A, sira-nia klasifikasaun FIFA aas liu kompara ho Timor-Leste.
Tazakistaun iha fatin 1047, Filipina iha fatin 150 no Maldivas iha fatin 162 enkuantu Timor-Leste rasik nia klasifikasaun okupa iha fatin 197. Iha jogu ba dahuluk, Timor-Leste sei hasoru ekipa ne’ebé forte liu iha grupu A.
Reprezenta TL partisipa jogu All-Stars ASEAN
Iha tinan 2025 ne’e, futebolista João Pedro sei reprezenta Timor-Leste hodi partisipa jogu All-Stars ASEAN ka jogu karidade internasionál hodi hasoru Manchester United iha loron 28 Maiu 2025, iha Estádiu Nasionál Bukit Jalil, Kuala Lumpur-Malázia.
João Pedro hetan oportunidade ne’e tanba bazea ba selesaun ho dezempeñu ezemplár no profisionalizmu ne’ebé reflete valór sira futeból ASEAN nian.
Tanba ne’e, Prezidente Federasaun Futeból ASEAN (AFF), Majór Jenerál Khiev Sameth hato’o mós konvite VIP ba Prezidente Federasaun Futeból Timor-Leste (FFTL), Nilton Gusmão dos Santos hodi akompaña jogu karidade internasional referidu.
Iha nota refere katak, eventu ne’e hanesan parte ida husi Maybank Challenge Cup ka eventu prestijiadu ida-ne’e sei selebra ASEAN nia exelénsia futeból nian enkuantu halibur ita-nia rejiaun hodi apoia kauza signifikativu ida hodi halibur fundu sira ba Fundasaun Al-Sultan Abdullah (YASA), ne’ebé reflete ita-nia fiar iha futeból nu’udar forsa ida ba inspirasaun no impaktu sosiál.
ASEAN Futball Federantion (AFF) nomeia ona Kim Sang-Sik, Treinadór Xefe husi Ekipa Nasionál Vietname nian no manan-na’in husi ASEAN Mitsubishi Electric Cup 2024, hodi lidera Ekipa All-Stars ASEAN nian. Ninia lideransa, vizaun, no forsa tátika halo nia sai figura ideál atu halibur talentu di’ak liu iha rejiaun ba eventu prestijiadu ida-ne’e.
Estájiu iha Sporting Clube de Braga Portugál
Jogadór médiu avansadu husi AD SLB Laulara, João Pedro Freitas hetan oportunidade atu ba estájiu durante tinan ida iha klube kuartu excelente iha Portugal, Sporting Clube de Braga.
Notísia Relevante: Tazakistaun manán Timor-Leste 1-0 iha jogu kualifikasaun tasa Ázia 2027
Futebolista João Pedro asina ona kompromisu estájiu ho Prezidente Sporting Clube de Braga Portugal, António Salvador da Costa, no sei aranka ba Portugal iha Jullu tinan ne’e, hafoin Liga Futebol Amadora époka daruak ramata.
Jogadór João Pedro sei hahú estájiu uluk, nune’e bele manán ámbitu ou dimensaun jogu, depois bele joga iha ekipa prinsipál. Ida-ne’e tuir kompromisu entre jogadór ho klubu.
Tuir kompromisu ne’ebé iha katak faze estájiu ne’e durante tinan ida nia laran (2017-2018). Bainhira iha tinan ida mak nia la konsege adapta ho dimensaun jogu iha ne’ebá, tenke buka fali dalan seluk maibé nia konsege adapta mak sei hanaruk estájiu hodi hela kle’ur iha Portugal.
Benfica Macau kontrata João Pedro
Antes ne’e, klube jigante hosi nasaun Macau ho naran koñesidu Benfica Macau kontrata ona jogadór timoroan João Pedro ho durasaun tinan ida.
Durante joga iha klube Macau, jogadór husi oan inan-aman Domingos da Silva Freitas no Ana da Gloria Freitas, moris iha Dili 20 Agostu 2000 no hanesan oan da-ruak husi maun-alin na’in-haat ne’e, sempre utiliza kamijola númeru 10 ho pozisaun avansadu iha liña karuk (extremo squerda).
Esperiénsia iha mundu Futeból
Nia envolvime iha AD SLB Laulara lori klubu refere sai kampiaun iha Liga Futeból Amadora (LFA) époka primeiru, segundu lugár iha Super Tasa 2016 no lori ninia klubu sai hanesan primeiru klasifikasaun provizóriu iha LFA époka 2017 ho pontus 10.
Iha tinan 2017-2018, João Pedro joga iha klube Timor-Leste AD SLB Laulara ne’ebé lideradu husi lider másimu Kay Rala Xanana Gusmão.
Iha tinan 2019-2020, nia joga hamutuk ho klube Unbon United iha nasaun Thailandia, iha tinan 2021, jogadór ne’e hetan fali kontaktu hosi klube Malazia nian ho naran Kuala Kangsar FC.
Aleinde joga iha klube sira internasionál jogadór ne’e joga mós iha selesaun nasionál Timor-Leste nian iha faze juniór no seniór hodi reprezenta Timor-Leste ba joga iha eventu internasionál sira.
Notísia Relevante: Futebolista João Pedro reprezenta TL partisipa jogu All-Stars ASEAN
Jornalista : Hortencio Sanchez
Editór : Cancio Ximenes
