DILI, 01 Outubru 2025 (TATOLI)—Xefe Sesaun Igualdade Jéneru no Inkluzaun Sosiál, Divizaun Dezenvolvimentu Sosiál, Cai Cai hateten Timor-Leste adere ba ASEAN sei dezenvolve ekonomia no igualdade jéneru.
“Bá-oin fornese ona matadalan pratika sira no mós vizaun komún ida atubele fó inspirasaun tanba ida-ne’e reflete ita-nia kompromisu atu halo kolaborasaun no kooperasaun metin, hodi lokaliza pozisaun kuidadu ekonomia nian ba dezenvolvimentu Timor-Leste iha futuru no protesaun sosiál igualdade jéneru no mós kreximentu inkluzivu,” nia dehan iha Otél Novo Turismo, Kuarta ne’e.
Cai Cai hateten ida-ne’e oportunidade boot tebes atu kontinua momentu ida-ne’e. Nune’e mós atu iha konxiénsia entre ministériu atu fahe pratika sira no buka solusaun di’ak ba moris ne’ebé hala’o iha servisu kuidadu ekonomia nian. Tanba ida-ne’e, jornada ba tempu naruk nian no mós ba jerasaun foun sira.
“Ami iha kompromisu nafatin atu apoiu Timor-Leste hodi harii espasu ne’ebé efikás no mós hasa’e asaun sira hodi responde oinsá mak kuida ekonomia. Maibé, ida-ne’e tenke servisu hamutuk ho Governu no sosiedade sivíl, setór privadu no mós komunidade internasionál atu asegura katak iha kuidadu ekonomia,” nia subliña.
Cai Cai sente orgullu tebes hodi fó apoiu Timor-Leste ba ASEAN atu hametin kuidadu ekonomia inklui liuhusi dezenvolvimentu empoderamentu ba ekonomia.
Nune’e mós, Sekretária Estadu Igualidade (SEI), Elvina Sousa Carvalho hateten Timor-Leste nia adezaun ba ASEAN, bele mós fó oportunidade ne’ebé mak boot liu ba Timor Leste atubele dezenvolve nia-aan no mós ba feto sira seluk.
“Partisipa iha Fórum ASEAN sira, ita mós presiza iha kompromisu atu alkansa promosaun igualdade iha rejionál.
Jornalista: Osória Marques
Editór: Xisto Freitas da Piedade
