KOVALIMA, 14 Outobru 2025 (TATOLI) – Reprezentante Prezidente Autoridade Munisípiu Kovalima, liuhusi Sekretáriu Munisípiu Asuntu Administrasaun Finansa, Alberto Moniz Araújo, alerta ba univesitáriu no alunu ensinu sekundáriu atu labele envolve krime liuliu transporta halotransporte sigarru liuhosi dalan ilegál.
Autoridade Kovalima (AK) fó hanoin relasiona foin lalais ne’e, Polísia Nasionál Timor Leste detein sidadaun-sira transporte sigarru liuhusi tasi iha postu Tilomar, munisípiu Kovalima.
“Ita-boot sira rona informasaun foin lalais ne’e liuhusi tasi-laran ro ahi hatun sigarru hamutuk 398 ho motorizada lima ho osan $1.700, nune’e maka ita-boot sira labele sai vítima”, Reprezentante Autoridade Kovalima Alberto moniz Araujo , hato’o liuhusi nia dikursu bainhira abertura progama sosializasaun prevensaun brankametu kapitál, iha salaun AMC
Bazeia ba Autoridade nia haree,munisípiu Kovalima fronteira ho nasaun viziñu Indonézia, nune’e sidadaun sira transporte sasan kontra bandu hanesan sigarru no motorizada mós barak.
“Ha’u ko’alia tanba alunu barak durante ne’e polísia tránzitu sira prende ita-boot sira-nia motorizada ho nune’e aplika koima atu bele konstribui reseita ba estadu bazeia violasaun regra tránzitu PNTL”,nia fó hanoin.
Realidade hatudu katak motorizada barak maka rai hela iha Tribunál Primeiru Instánsia Suai (TPIS) ne’ebé maka alunu sira sa’e motorizada ho tipu motorizada CVR, KLX, mio no revo la iha dokumentu .
Jornalista:Celestina Teles
Editór:Florencio Miransa Ximenes
