DILI, 10 Novembru 2025 (TATOLI)–Forsa Austrália liuhusi Programa Koooperasaun Defeza (DCP, sigla inglés), Segunda ne’e, entrega ofisialmente kazera rua no toilet ida ba Komponente Navál.
Militár Austrália harii kazerna rua liuhusi Ezersísiu Konjunta Harii Hamutuk iha Jullu tinan ne’e, enkuantu toilet ne’e harii husi empreza Austrália RMS.
Komandante Komponente Higino das Neves iha nia intervensaun agradese tanba liuhusi kooperasaun militár konsege harii tan fasilidade balun.
“Ha’u hakarak hato’o ha’u-nia agradesimentu ba Governu Austrália liuhusi Programa Koperasaun Militár ne’ebé ohin entrega fasilidade balun tan mai Komponente Navál. Kondisaun ne’e simboliza hametin liután kooperasaun,” Komodoro hateten iha Baze Navál Hera.
Notísia relevante : Komodoro Higino bandu membru Komponente Navál uza atributu militár halo Tiktok
Iha fatin hanesan, Adidu Defeza ba Timor-Leste Kapitaun Mar e Gerra, Matthew Ricardson hateten, Austrália komprometidu kontiua apoia Timor-Leste iha setór defeza no área sira seluk.
“Ami-nia hakarak Timor-Leste sai forte, prósperu no reziliénte liu, ami rekoñese liu tantu Austrália no Timor-Leste buka atu konstribui nafatin hodi hatán ba dezafiu sira hanesan seguransa iha Timor no rejiaun relativa iha maritima,” nia katak.
Jornalista : Natalino Costa
Editora : Julia Chatarina
