PM Xanana husu Rui Araújo apoia Autoridade Kovalima hodi simu podér lokál
KOVALIMA, 11 Marsu 2026 (TATOLI)- Primeiru- Ministru, Kay Rala Xanana Gusmão husu ba intelektuál Kovalima-oan liuliu Eis Primeiru-Ministru, Rui Maria de Araújo atu apoia Autoridade Kovalima halo preparasaun ba simu polítika desentralizasaun administrativa no podér lokál.
“Ha’u kontente haree prezensa Intelektuál sira Kovalima-oan hanesab Rui Maria Araújo mai iha ne’e, hodi Governu sentrál nia naran la’os deit rekoñese matenek, fiar atu hamutuk ho maluk seluk bele prepara Kovalima sai di’ak atu ba oin”, dehan PM Xanana iha ámbitu diálogu avaliasaun ba kondisaun mínima, iha Suai Villa, ohin.
Alende ne’e, Xefe Governu mós bolu intelektuál Kovalima-oan hanesan Faustino Cardoso no Adriano do Nascimento hodi husu sira nia apoia atu prepara autoridade Kovalima ba simu podér lokál.
“Ha’u husu atu ita boot (Rui Maria Araújo) no seluk ajuda sira hodi prepara aan, tempu to’o ona no hodi hanoin ba oin iha objetivu no vizaun ba Kovalima,” PM Xanana dehan ho matan been hodi hakuak Rui Maria Araújo.
Eis Prezidente Repúblika ne’e mós husu ba intelektuál Kovalima-oan atu buka malu nafatin atu ko’alia ba malu no deskute no tane aas lema “Suli mutu tau mutu ba Kovalima nia ilas”.
Iha biban hanesan,intelektuál Kovalima-oan, Jacinto Gusmão, deha intelektuál Kovalima-oan presiza atu atu haree fali relatóriu avaliasaun Kovalima iha pontu tolu ne’ebé atinje 70% iha fulan lima laran.
“Intelektuál Kovalima-oan presiza atu asesu mós avaliasaun kondisaun mínima husi munisípiu sira seluk tau valór bom no muito bom sira presiza atu haree fali”, nia dehan.
Jornalista:Celestina Teles
Editór: Florencio Miranda Ximenes
