BAUKAU, 16 Marsu 2026 (TATOLI)—Komandu Polísia Nasionál Timor-Leste Munisípiu Baukau prosesa ona suspeitu na’n-ualu ne’ebé suspeitadu sai autór ba kazu konfrontu ne’ebé akontese iha Uailili, Postu Administrativu Baukau Vila, bá Ministériu Públiku (MP).
Kazu ne’e akontese entre joven bainhira komunidade realiza jogu voleyball iha suku Uailili no kontinua halo asaun hodi atake malu no estraga uma iha área Daregata, Suku Wailili, Segunda (09/03/2026).
Notísia relevante: Konfrontu iha Uailili rezulta uma hetan estraga
“Investigasaun bolu sira-mai iha-ne’e ita kontinua haree hela prosesu ne’e,” Komadante Komandu Polísia Munisipiu Baukau, Superintendente Polísia João Sancho Pires hateten iha ninia kna’ar fatin, Vila Nova, Segunda ne’e
Superintendente Pires relata kazu ne’e parte PNTL hato’o ona ba Ministériu Públiku (MP) hodi halo kontinuasaun hafoin PNTL ramata halo identifikasaun ba suspeita na’in-ualu ne’ebé maioria idade joven.
“Ita nafatin halo prevensaun ba buat sira-ne’e para labele mosu tan,” Superintendent Pires akresenta.
Entretantu, kazu referidu rezulta uma rua (baraka) hetan sunu no ida hetan estragu, seluk mak motór marka Honda Verza ida hetan estragu.
Jornalista: Natalino Belo
Editór: Xisto Freitas da Piedade
