OEKUSI, 23 Marsu 2026 (TATOLI) – Cristy Sword Gusmão hamutuk ho Prezidente Autoridade Rejiaun Administrativa Espesiál Oekusi Ambeno (RAEOA), segunda ne’e, lansa ofisialmente Programa Merenda Eskolár faze dahuluk ba loron efetivu 64 iha Eskola Bázika Filiál (EBF) 30 Agostu Masin.
“Programa Merenda Eskolár ne’e importante tebes. Parabéns ba serbisu edukasaun Oekusi ba inisiativa importante ida-ne’e, tanba hamlaha ne’e sai obstaklu ka barreira boot ida ba edukasaun ho kualidade, tanba bainhira labarik sira-nia kabun mamuk, sira labele konsentra ba sira-nia estudu,” nia hateten iha Eskola Bázika Filiál 30 Agostu Masin, ohin.
Cristy Sword Gusmão hamutuk ho Prezidente Autoridade RAEOA, segunda ne’e, lansa ofisialmente Programa Merenda Eskolár faze dahuluk ba loton efetivu 64 iha Eskola Bázika Filiál (EBF) 30 Agostu Masin. Imajen TATOLI/Abílio Elo Nini
Notísia relevante:Merenda Eskolár iha RAEOA sei gasta rihun $500-resin ba loron efetivu 64
Iha biban ne’e, Prezidente Autoridade RAEOA, Régio da Cruz Salu, konsidera implementasaun Programa Merenda Eskolár ne’e, importante tanba prioridade ona iha Orsamentu Jerál Estadu (OJE) 2026 nian.
“Lansamentu ohin ne’e, ita-nia obrigasaun, primeiru fas parte ba ezekusaun Orsamentu Jerál Estadu (OJE) tinan ne’e ba RAEOA, tanba sai ona prioridade ba Orsamentu Jerál Estadu, no kompromisu Estadu atu haree asuntu sosiál ida-ne’e, ita-nia oan sira tenki iha situsaun ida di’ak atu aprende, nune’e bele kontinua aprende sai matenek, merenda eskolár la’ós programa han meudia iha eskola, no inan-aman dadersan la prepara ai-han ba oan sira, maibé ne’e hanesan responsabilidade Estadu, nune’e ita-nia oan sira, iha duni kondisaun di’ak, ba sira atu bele aprende.
Cristy Sword Gusmão hamutuk ho Prezidente Autoridade RAEOA, segunda ne’e, lansa ofisialmente Programa Merenda Eskolár faze dahuluk ba loton efetivu 64 iha Eskola Bázika Filiál (EBF) 30 Agostu Masin. Imajen TATOLI/Abílio Elo Nini
Notísia relevante:PAM Kovalima lansa Programa Merenda Eskolár iha EBC Sandalo
Diretór Diresaun Rejionál Edukasaun no Solidariedade Oekusi, Vincêncio Cono, informa, fornesimentu ai-han ba iha Programa Merenda Eskolár ne’e maioria produtu lokál no naturál iha tipu tolu, ai-han haforsa, protesaun no ai-han haburas.
“Hahán sai prioridade iha Programa Merenda Eskolár ne’e, maioria produtu lokál, hanesan modo mutin, lakeru lokál, fehuk-ropa, hudi-dubun, na’an-karau, ikan, na’an-manu lokál, proibidu ayam poton no hahán ho kimíku ne’e bandu totál, maibé hahán tenke naturál no produtu lokál, hanesan ai-han haburas maka, aifuan no modo, ai-han protesaun maka na’an, ikan, manutolu, tempe-tahu no ai-han haforsa maka foo
Cristy Sword Gusmão hamutuk ho Prezidente Autoridade RAEOA, segunda ne’e, lansa ofisialmente Programa Merenda Eskolár faze dahuluk ba loton efetivu 64 iha Eskola Bázika Filiál (EBF) 30 Agostu Masin. Imajen TATOLI/Abílio Elo Nini
s, talas, hudi-da’an, ai-farina no fehuk,” nia esplika.
Notísia relevante:RAEOA devolve fundu merenda eskolár rihun 138-resin ba kofre Estadu
Programa Merenda Eskolár ne’e, kobre Ensinu Báziku Sentrál (EBC) hamutuk 11 ho nia filiál sira, no Edukasaun Pré-Eskolár (EPE) 17 ba eskola públiku no privada ho totál orsamentu gastu nian hamutuk rihun $500-resin ba loron efetivu 64.
Jornalista: Abílio Elo Nini
Editór: Rafael Ximenes de A. Belo
