BOBONARU,07 Abríl 2026 (TATOLI)— Prezidente Repúblika (PR),José Ramos Horta, husu ba Dirijente eskola Ensinu Sekundáriu Tékniku Vokasionál (ESTV) Dom Bosco Maumali, Maliana, munisipíu Bobonaru, atu identifika estudante na’in-neen (6) hodi bele ba kontinua estudu nivél ensinu superior iha Universidade Amesterdaun, Olanda.
“Amu bele hili estudante na’in neen feto tolu mane no mane tolu. Ha’u sei konfirma sira remata iha nivèl saida, no tenke hatene koalia ingles. Se la koalia ingles bele ba estuda iha Dili. Ha’u bele selu imi nia kursu Ingles ba estuda iha akademía ida iha Olanda, Amesterdaun. Ha’u nia kolega ida nia mai ho nia espoza, no nia oferese Bolsa estudu ba ema nain 30. Ne’e mak ha’u hakarak fó na’in neen bai ha ESTV ne’e. Diak liu sira remata ona desimu segundu anu ne’e,” Horta deklara wainhira vizita ESTV Dom Bosco Maumali, Tersa ne’e.
Xefe Estadu sublina, Akedemia espesiál ba siensia no teknolizía ne’ebé modernu teb-tebes.
“Ha’u nia kolega ne’e hakarak loke kampus ne’e iha Dili, para hanorin joven sira, dada sira nia kreatividade, iha ne’ebá imi la estuda ABC imi estuda teknolojía lideransa, kapasidade inisiativa, no jestaun sira ne’e,” nia dehan.
Notìsia Relevante: Fundadór eskola negósiu Hendrik Halbe planeia rekruta timoroan 30 eskola iha Olanda
Iha fatin hanesan, Diretor Eskola Tekniku Vokasional Dom Bosco Maumali, Bruder Marçal Amaral Lopes SDB, hatoo nia apresiasaun no agradesimentu ba Xefe Estàdu no Governu tanba sempre fo apoia ba eskola nee.
Nia dehan sei halo esforsu hodi eduka no forma estudante sira atu sai Intelektual hodi kontribui ba dezenvolvimentu nasaun nian iha futuru.
Iha okaziaun vizita ne’e Presidente Ramos-Horta mos atribui ekipamentu desportu nian hanesan Bola, rede baliza no farda. Parte seluk, ESTV oferese Illas Estatua Na’in Feto Maria Auxiliadora ba Xefe Estadu.
Eskola Tekniku Vokasional Bom Bos Cosco Maumali harii iha tinan 2014 nudar eskola Publika neebe daudun nee Jere husi Salesiano Dom Bosco no total Estudante iha eskola nee kauze nain atus rua.
Jornalista : Sergio da Cruz
Editora : Armandina Moniz
