DILI, 17 Abríl 2026 (TATOLI)—Primeiru-Ministru (PM), Kay Rala Xanana Gusmão husu ba Autoridade Seguransa atu asegura Tasi Timor nune’e bele halo vijilánsia ba peska ilegál, liuliu iha parte súl.
“Kuandu ita iha fronteira tomak ona, ita sei iha obstákulu tanba ita lakon millões kilómetru iha parte súl,” Xanana Gusmão hateten ba Jornalista sira hafoin halo vizita ba Kuartel Jerál PNTL, Kaikoli, Sesta ne’e.
Notísia relevante : UPM koordena ho Komponente Navál hodi responde ba operasaun ró peska ilegál
Iha fatin hanesan, Segundu Komandante Jerál PNTL, Komisária Polísia Asistente Natercia Eufrásia Soares Martins, hateten, daudaun ne’e Unidade Polísia Marrítima (UPM) halo hela nia serbisu.
“Daudaun UPM halo hela serbisu,” Komisária Natércia Martins.
Iha Kinta (16/04), UPM Postu Com halo apreensaun ró peska ilegál ida husi Indonézia no daudau UPM halo hela nia serbisu hodi halo identifikasaun ba peskador sira ne’ebé aprendidu ne’e.
UPM daudaun ne’e asegura ona peskadór iha ró laran hodi halo identifikasaun ba sira.
Jornalista : Natalino Costa
Editora : Julia Chatarina
