KOVALIMA, 12 Maiu 2026 (TATOLI)-Autoridade Munisípiu Kovalima, liuhusi Servisu Munisipál Administrasaun Finansa to’o oras ne’e, seidauk ezekuta orsamentu jerál Estadu tinan 2026 nian ne’ebé maka aloka ba kapitál menór no dezenvolvimentu.
Diretora Servisu Munisipál Administrasaun Finansa Munisípiu Kovalima, Rosita Semei Freitas, relata Parlamentu Nasionál (PN) aprova orsamentu jerál Estadu (OJE) 2026 ba munisípiu Kovalima ho totál $ 9,517.979 hodi finansia programa 16 sub programa 10 no atividade 90.
Hosi orsamentu ne’e aloka ba saláriu no vensimentu $ 2,203.227, sasán no servisu $ 841.730, tranferénsia pùblika $ 4,961.588 kapitál menór rihun $300 no kapitál Dezenvolmentu $ 2,111.464.
“Ezekusaun orsamentu husi Janeiru to’o ohin loron atinje ona pursentu 29.7, iha kategória saláriu vensimentu, bens servisu, kapital menór, transferénsia públika no kapitál dezenvolvimentu,” nia dehan iha Salaun AMC.
Ba saláriu no vensimentu ninia progresu ezekusaun to’o ohin atinje ona pursentu 30, bens servisu pursentu 10, tranferénsia públiku 52%, enkuantu, ezekusaun iha kapitál menór no kapitál Dezenvolmentu sei iha prosesu nia laran hodi ezekuta iha trimestre daruak.
Jornalista:Celestina Teles
Editór: Florencio Miranda Ximenes
