OEKUSI, 28 Maiu 2026 (TATOLI) – Funsionáriu reformadu sira iha iha Rejiaun Administrativa Espesiál Oekusi Ambeno (RAEOA), hanesan Daniel Mauno, José António Martins no Batista Nautos, prontu atu koopera ho Estadu atu devolve fali osan ba kofre Estadu tanba simu direitu reformadu dobru iha fulan ida de’it, tanba hetan pagamentu husi fatin rua, husi Autoridade no Institutu Nasionál Seguransa Sosiál (INSS).
Tanba ne’e, sira prontu ona atu devolve fali maibé ho kritéria ida katak, sira rekomenda ba Governu liliu INSS no Autoridade RAEOA, bainhira atu devolve fali osan ne’ebé simu, tenke kada fulan ka graduál, la’ós devolve dala ida de’it ka fo
Notísia relevante:ME-INSS hahú prosesa pagamentu ba profesór reforma obrigatóriu hamutuk 1.493
Eis-Diretór Edukasaun Oekusi, Daniel Mauno, nu’udar funsionáriu públiku reformadu, hateten, iha fulan-Janeiru 2026, bainhira simu saláriu, sente hakfodak, tanba saláriu ne’ebé simu la tuir direitu reforma nian.
“Ami simu osan fulan rua nian dala ida, ami mós dúvida, ida-ne’e la’ós ami-nia sala. Ami simu saida maka Governu haruka osan ba ami-nia konta bankaria no ami ba foti iha banku, karik ida-ne’e sala, Governu husu atu koopera, ita prontu atu koopera, tanba Governu ne’e ita-nian, tenke apoia atu kontinua programa sira ba oin,” nia hateten ba Ajénsia Tatoli,I.P iha Oekusi, ohin.
Maibé, nia dehan, iha nia rekomendasaun ida katak, ita reforma ona, ita-nia osan menus, maka koopera atu devolve fali osan ne’e ba kofre Estadu dala ida de’it sente defisíl,
“Tanba osan ne’e kle’ur ona, osan ne’e mós laiha, entaun ami-nia hakarak ne’e, no sujere ba Governu atu-bele ko’a kada fulan, labele devolve tomak dala ida, tanba la’ós ami mak sala,” nia rekomenda.
Notísia relevante:INSS koordena Autoridade RAEOA atu notifika funsionáriu reformadu iha Oekusi
José António Martins, nu’udar eis- Diretór Administrasaun Oekusi, rekoñese katak iha fulan-Janeiru simu direitu reformadu nian, ho montante boot, ma
ibé iha fulan-Fevereiru to’o Maiu komesa tuun fali.
“Governu mak hasai duni, ami tenke kumpre, tanba ami simu saláriu doubru, ha’u simu mós hakfodak, tanba loloos $400-resin de’it maibé fulan ida to’o kedas $800-resin. Foin dadaun ami rona fali katak pagamentu rua kedas, RAEOA mós halo pagamentu husi INSS mós halo, ne’e mak foin hatene osan ne’e nia montante boot tanba ida-ne’e,” nia hateten.
Nia informa, bazeia deklarasaun husi INSS koordena ho Autoridade, hodi notifika funsionáriu reformadu sira atu devolve fali osan ne’e ba kofre Estadu.
“Maibé ami presiza karta legál ida, ami hein to’o agora karta notifikasaun seidauk to’o a ami, tanba ami prontu atu koopera atu devolve fali osan ne’e, mas tenke iha kritériu mós tanba la’ós ami mak ejize, Governu mak sala, entaun atu devolve mós tenke ko’a kada fulan, labele ko’a dala ida, entaun ami terus ona, tanba agora reforma ona, kuandu ko’a tiha, ami atu atende nesesidade família oinsá, ne’ebé ami rekomenda tenke ko’a kada fulan,” nia fó hanoin.
Batista Nautos, nu’udar funsionáriu públiku reformadu husi Diresaun Rejionál Agrikultura, hateten, aseita atu devolve fali osan ne’ebé simu ona ba kofre Estadu, importante Governu mós konsidera preokupasaun husi funsionáriu reformadu sira.
“Ha’u aseita atu fó fali, tanba osan ne’e la’ós ha’u-nia direitu
reforma nian, maibé komu osan ne’e tama ona iha ami-nia konta bankária ami tenke foti, tanba ami mós presiza osan, maibé atu fó fali dala ida, ha’u hanoin ami dada iis mós labele, tanba ami mós iha nesesidade família selu oan sira-nia eskola, ne’ebé ami espera no rekomenda bele fulan ida ko’a uitoan-uitoan to’o hotu, tanba ami la sala ida, agora ami koopera, Governu mós tenke hanoin ami,” nia hateten.
Notísia relevante:INSS halo ona pagamentu ba funsionáriu reformadu iha semana kotuk
Rekorde fali katak, antes ne’e iha loron 21 Maiu 2026 ne’e, ekipa husi Institutu Nasionál Seguransa Sosiál (INSS), lidera husi Xefe Gabinete ba Prezidente Konsellu Administrasaun INSS, Jecafriado Afulit Coa, hala’o enkontru koordenasaun ho Autoridade RAEOA, atu buka solusaun kona-ba pagamentu pensaun reformadu kuaze ema na’in-47, tanba husi INSS halo pagamentu, no husi Autoridade Oekusi mós halo pagamentu.
Tanba ne’e, parte rua iha konkordánsia atu emite notifikasaun ba funsionáriu reformadu na’in-47 iha Oekusi ne’ebé simu direitu pensaun reforma dobru hodi devolve fali osan fulan ida nian ba kofre Estadu.
Jornalista: Abílio Elo Nini
Editór: Rafael Ximenes de A. Belo
