KOVALIMA, 01 Jullu 2026 (TATOLI) – Autoridade Munisípiu Kovalima liuhusi Servisu Munisipál Asaun Sosiál (SMAS) hahú Janeiru to’o Juñu tinan ne’e, gasta ona osan hamutuk $15, 810 hodi sosa kaixaun apoia ba família matebian vulneravel sira.
“ Ita gasta ona osan hamutuk $15,810 ne’e hodi sosa kaixaun hamutuk 106 hodi fó apoia família matebian vulneravel ne’ebé mak submete sira-nia pedidu mai ita”, Xefe Departamentu Promosaun Inkluzaun Sosiál, Albina Borges Amaral, relata dadus ne’e ba jornalista sira iha Bairru-Kosta.
Xefe Departamentu ne’e, ne’e esplika katak, SMAS fó apoiu hamutuk 106 ne’e tanba iha trimester ba dahuluk ne’e fó apoiu kaixaun hamutuk 51 ho tipu kaixaun sira hanesan boot hamutuk 46 , naton rua, no kiik tolu ne’ebé gasta osan hamutuk $8,190 no iha trimester ba daruak ne’e fó apoia ona kaixaun hamutuk 55 ho tipu kaixaun sira hanesan boot 38, kiik naton haat no kiik 13 ho totál orsamentu hamutuk $7,620.
Kaixaun ne’ebé SMAS apoia ho nia medida kiik kada kaixaun ho nia folin $60.00, kaixaun medida naton kada kaixaun ho nia folin $95.00 no kaixaun ho medida boot kada kaixaun ho nia folin $170.00
Prosesu fó apoia kaixaun husi SMAS simu de’it pedidu husi xefe suku hodi husu apoiu kaixaun ba família matebian ne’ebé mak vulneravél.
Orsamentu Jerál Estadu (OJE) aloka hodi sosa kaixaun apoia família matebian vulneravél sira hamutuk $50.000.00 husi orsamentu ne’e iha trimestre daruak ne’e gasta ona osan hamutuk $15, 810 nia saldo atual $34,190.00
Jornalista: Celestina Teles
Editór: Florencio Miranda Ximenes.
