BOBONARO, 17 marsu 2022 (TATOLI) – Sekretariadu Téknika Administrasaun Eleitorál (STAE) Munisípiu Bobonaro no Rejiaun Administrativa Espesiál Oé-Cusse Ambeno (RAEOA) finaliza ona materiál eleisaun prezidensiál ho pakote.
“Prosesu pakotementu ita halo dezde loron rua ba kotuk, agora ita remata ona, no konvida fiskál ekipa susesu hosi kandidatu sira no observadór internasionál sira atu mai akompaña xave materiál sensitivu no la’ós-sensitivu,” Diretór STAE Munisípiu Bobonaro, Mariano Viegas Amaral ko’alia iha administrasaun munisípiu Bobonaro, kinta ne’e.
STAE Bobonaro simu materiál sensitivu no la’ós-sensitivu iha loron 11 fulan-marsu ho totál livru 1.584, buletin votu 79.200 hamutuk kaixa 28, karimbu no tinta. Enkuantu materiál la’ós sensitivu sira mak hanesan kaixote, akta rezultadu eleisaun, formuláriu reklamasaun, pasta plástiku, fita no stop map.
Dadus eleitór hosi munisípiu Bobonaro ne’ebé atu ezerse direitu votu iha loron 19 fulan-marsu tinan 2022 iha sentru votasaun 130 no estasaun votu 150 hamutuk na’in-70.283.
STAE RAEOA mós konklui ona
Diretora STAE RAEOA, Luiza da Costa, esplika, ekipa tékniku hamutuk ho brigadista sira finaliza ona pakotementu ba materiál sensitivu no la’os sensitivu ba sentru votasaun 60 no estasaun votasaun 88.
“Ohin kinta, ita remata ona pakotementu ba materiál eleisaun nian, tanba iha loron sesta, 18 marsu ita sei halo abertura hodi desloka ona ba sentru votasaun,” Luiza da Costa, informa ba Agência Tatoli iha salaun Alfándega, Palaban, Oé-Cusse.
Materiál eleisaun ne’e asegura hosi membru PNTL na’in-neen ho arma hamutuk ho funsionáriu STAE.
Nune’e ba envelope-sira, envelope akta operasionál sentru no estasaun votasaun, votu la uza, votu kanseladu, votu abandonadu, votu nulu, votu branku, votu rejeitadu, votu reklamadu, votu válidu kada kandidatu.
Karimbu-sira mak hanesan, karimbu ba eleisaun prezidensiál 2022, karimbu la-uza, karimbu kanseladu, karimbu abandonadu, karimbu branku, karimbu nulu, karimbu reklamadu no karimbu rejeitadu.
Materiál nan-sensitivu mak hanesan, kabina votu, lapijeira azúl, fita kola-mutin no soklat boot, fita kola-mutin ki’ik, flip chart, police line (kinur no mean), tali ráfia, tinta karimbu, almofada ka bantal, prégu, kábas rolu-mutin, régua, espidól naun-permanente, stabile higlihter no kalkulatór.
Nune’e mós, boraxa, tisu-rolu, goma, hekter, isi hekter, tizora, hand sanitizer, uniforme ba ofisiál eleitorál, lona, kapa-udan, máskara, plástiku lixu, luvas ijiente, pila, note book A5, termu scanner, buletin votu ezemplu, poster prosesu votasaun, kartaun ID ofisiál eleitorál no panfletu sentru votasaun.
“Durante iha halo prosesu pakote ba materiál sira-ne’e laiha fallansu, iha fiskál balu kestiona kona-ba bulletin liu, maibé ami esplika katak, ne’e antesipa de’it karik la to’o ita bele foti lalais tanba iha baze mai vila kleur, ne’ebé prepara kedas,” nia akresenta.
Antes ne’e materiál sensitivu no la’os-sensitivu, transporta hosi nasionál to’o Oé-Cusse iha loron-sábadu dadeersan, tuku 6:00 liuhosi ro Berlin Ramelau, ho totál urna hamutuk 247, kabina votu kuantidade 300, selus kuantidade 2,400, tinta indelivél 352, stiker kódigu sentru votasaun 264, buletin votu, akta operasaun estasaun votasaun 88, akta operasaun sentru votasaun 60.
Nune’e mós akta rezultadu sentru votasaun 1.020, lista votante 352, lista adisionál 88, lista funsionáriu votu 88, lista prezensa ofisiál monitorizasaun 88.
Nune’e mós lista fiskál vota 88, lista prezensa observadór 88, lista prezensa fiskál 60, lista prezensa fiskál apuramentu munisípál ida, formuláriu termu entrega materiál 188, formuláriu termu entrega urna 60, termu entrega akta rezultadu sentru votasaun 60.
Livru formuláriu reklamasaun 88, deklarasaun segredu 88, folla aviza 176, kódigu sentru votasaun 60 no kódigu estasaun votasaun 88, envelope akta operasionál sentru votasaun 60 no envelope akta operasionál estasaun votasaun 88, envelope la-uza 88, envelope kanseladu 88, envelope abandonadu 88, envelope nulu 60, envelope branku 60, lista prezensa profisionál komunikasaun sosiál 88.
Entretantu, totál eleitór ne’ebé sei partisipa iha eleisaun prezidensiál iha loron 19 fulan-marsu 2022, iha RAEOA hamutuk 51.495 komposta hosi mane 26.232 no feto 25.263, ho totál sentru votasaun 60 no estasaun votasaun 88, ne’ebé sei envolve brigadista na’in-60 no ofisiál eleitorál na’in-880.
Hafoin STAE no CNE remata xave urna ho pakote materiál eleisaun nian, tanba bazea ba kalendariu aban tuku 08:00 oras Timor-Leste sei realiza serimónia distribuisaun materiál sensitivu ho la’ós-sensitivu ba iha sentru votasaun no estasaun votu sira, ne’ebé hetan seguransa másima hosi PNTL munisípiu Bobonaro.
Jornalista : Sérgio da Cruz/Abílio Elo Nini
Editór : Evaristo Soares Martins
