DILI, 22 agostu 2022 (TATOLI) – Ministériu Públiku (MP) hatama ona pedidu rekursu hodi kontra desizaun Tribunál Distritál Dili (TDD), kona-ba kazu droga ne’ebé aplika de’it Termu Identidade Rezidénsia (TIR) ho aprezentasaun periódika ba arguidu na’in-sia.
Prokuradór Rogério Viegas, hato´o ona pedidu rekursu ba TDD hodi kontra desizaun Tribunál iha primeira instánsia nian ka Tribunál Distritrál Dili (TDD), iha ne’eb’e aplika Termu Identidade (TIR) ho aprezentasaun periódika ba arguidu nain sia envolve iha kazu ilísitu ba droga.
“Ohin ha’u hatama rekursu kontra desizaun Tribunál nian ne’ebé aplika TIR ba arguidu nain sia, tanba ha’u sei haree hela interogatóriu dahuluk dader ne’e iha Tribunál Distitál Dili entaun, loraik maka ha’u hatama pedidu rekursu”, Prokuradór Rogeiro Viegas, via telefone.
Nia dehan, pedidu rekursu ne’e ho objetivu hanesan prokuradór ne’ebé titulár ba kazu ne’e, sente lamenta ho desizaun Tribunál Distritál Dili ne’ebé aplika TIR ba arguidu sira.
“Hanesan Prokuradór ne’ebé kaer kazu ne’e ka titulár ba kazu ne’e, sente la satisfas ba desizaun Tribunál Primeiru Instánsia nian ne’ebé aplika TIR ho Aprezentasaun Periodikaba arguidu sira. Entaun buat hotu tuir nia dalan legál, ita tenke hatama rekursu ba Tribunál, husu atu anula tiha desizaun hosi Tribunál Distritál Dili nian ne’ebé aplika medida koasaun TIR ba fali medida koasaun prizazaun preventiva ba arguidu sira”, konklui Prokuradór Rogeiro Viegas.
Notísia relevante : MP prepara rekursu kontra desizaun TDD ba kazu tráfiku no ilísitu droga
Jornalista: Natalino Costa
Editór : Zezito Silva
