DILI, 20 fevereiru 2023 (TATOLI)—Vise-Ministru Administrsaun Estatál (MAE), Lino de Jesus Torrezão, hateten iha 2023 ne’e Governu liuhosi MAE aloka ona osan hamutuk millaun $15 ba kada munisípiu iha Timor-Leste hodi halo jesatun ba merenda eskolár iha eskola sira iha territóriu Nasionál.
“Merenda eskolár ida agora ne’e ita sei uza sistema ida antigu nian ne’ebé ami iha ona manuál ida hodi oinsá mak fó kompeténsia ba suku sira hodi halo jestaun ba merenda eskolár,” Governante ne’e hateten ba jornalista sira, hafoin tuir reuniaun extraordináriu, iha Palásiu Governu, Dili, segunda ne’e.
Antes ne’e, nia dehan, Governu prevee ona orsamentu millaun $12,550 ba programa merenda eskolár maibé bainhira hasa’e montante ba $0,42 ba kada estudante 251.000, mak kustu sa’e ba millaun $21,084.
Transferénsia públika ne’e tuir Dekretu Guvernu Númeru 13/2022, 18 janeiru, iha artigu 30 pontu 15-16 ne’ebé regula kona-ba ezekusaun orsamentu merenda eskolár nian.
Notísia Relevante: Governu prevee orsamentu millaun $8,4 hodi realiza programa merenda eskolár
Jornalista : Osória Marques
Editór : Cancio Ximenes
