DILI, 12 abríl 2023 (TATOLI) – Deputada Partidu Libertasaun Popular (PLP), Domingas dos Santos troka Deputadu Cornélio da Costa Gama ‘L7’ ba Xefe Bankada PLP iha Parlamentu Nasionál (PN).
“Husi Partidu Libertasaun Popular atu hato’o ba Prezidente Parlamentu Nasionál Aniceto Guterres katak hahú loron 11 abríl 2023. Deputadu Cornelio da Costa Gama ‘L7’ la’os ona Xefe Bankada Parlamentár no troka hosi Deputada Domingas dos Santos”, Prezidente Parlarlamentu Nasionál Aniceto Guterres deklara iha sesaun plenária PN, kuarta ohin.
Prezidente PN ne’e mós hateten tuir karta ne’ebé maka Partidu PLP dirije ba mai, sita katak atuál Deputada Domingas dos Santos mak sei asume fali kargu Xefe Bankada PLP.
“Ida ne’e maka ami-nia informasaun ba eselénsia no obrigadu”, Aniceto Guterres haktuir.
Karta substituisaun ne’e asina direta hosi Prezidente Interinu PLP, Abrão José Freitas ‘’Mate Restu’’.
Jornlista: Natalino Costa
Editór : Zezito Silva
