DILI, 14 abríl 2023 (TATOLI) – Majistradu Ministériu Públiku (MP) nain lima, ohin aranka ba Portugal ho objetivu atu tuir formsaun iha área estudu judisiáriu durante fulan tolu iha Sentru Estudu Jurídiku Portugal (CEJP).
Majistradu nain lima ne’e aranka ba Portugal iha sesta (14/4) . Majistradu Ministériu Públiku nain lima ne’e kompostu hosi Prokuradór Repúblika Primeiru Instánsia Baucau, Oecusse, Díli no Prokuradór Repúblika Primeiru Instánsia Covalima inklui Prokuadór Repúblika hosi Gabinete Sentrál Kombate Korupsaun, Konteziozu ba Sivil no Admistrativu Koletivu Fuzu obrigadu.
“Aban sira sei aranka ita hatene katak Sentru Estudu Judisiáriu ne’e rekoñesidu internasionál, Sentru ida ne’e iha méritu, entaun ita-nia prokuradór sira sei bá formasaun komplementár iha ne’ebá to’o iha 17 fulan Abril to’o 17 de Juñu 2023”, Prokuradór Jerál Repúblika Alfonso Lopez dehan bainhira partisipa abertura formasaun ba majistratura MP iha Sentru Kulturál Embaxada Portugal, kinta ne’e.
Alfonso hateten, prokuradór nain lima ka majistradu MP nain lima ne’e sei aprende iha área matéria fundu finanseira depois aprofunda mós portugés jurídiku atu ba futuru sira bele servisu iha setór justisa di’ak liután.
Enkuantu Majistradu MP nain lima ne’e ba halo estudu iha Sentru Estudu Jurídiku Portugal (CEJP) durante fulan tolu, tanba Prokuradór Jerál Repúblika(PGR) halo kooperasaun ho Governu Portugés liuhosi PFMO, projetu Jere Osan Povu nia jere ho di’ak.
Jornlista: Natalino Costa
Editór : Zezito Silva
