VIQUEQUE, 12 maiu 2023 (TATOLI)—Administradór munisípiu Viqueque, Januário Soares ‘Bolly’, informa, Administrasaun munisípiu Viqueque ezekuta ona 36,46% hosi Orsamentu Jerál Estadu (OJE) 2023 iha trimestre dahuluk.
Totál alokasaun orsamentu $7.475.272,60, ezekuta $1.997.238,56, obrigasaun $1.040.000, kompromisu $727.314,72, no balansu $4.749.679,32
“Ita iha projetu Planu Integradu Dezenvolvimentu Munisipál (PIDM) haat, maibé sei iha prosesu konkursu, osan ne’ebé ezekuta ona halai liu ba sosa sasán hanesan ATK, transporte no Programa Mão de Obra Postu Administrativu (PMOPA),” Autoridade munisípiu Viqueque, hateten iha Administrasaun munisipál, sesta ne’e.
Notísia relevante : MF sosializa sistema mudansa ezekusaun orsamentu iha Viqueque
Administradór dehan, bainhira projetu haat PIDM implementa ona karik maka ezekusaun bele sa’e.
“Ami hasoru dezafiu iha konkursu tanba projetu haat ne’e rua maka manán-na’in iha ona, enkuantu rua ba reabilitasaun rezidénsia Administradór maka agora daudaun halo re-konkursu filafali no eskola Lacluta seidauk iha konkursu. Ami mós agora halo hela prosesu loke dalan alternativa, ne’ebé nia prosesu daudaun sei iha Ajénsia Dezenvolvimentu Nasionál (ADN) hodi haree prosesu,” nia akresenta.
Tuir dadus, ezekusaun OJE 2023 munisípiu Viqueque ba despeza pesoál $1.813.518, ezekuta $440.203,56, obrigasaun $270, kompromisu laiha, balansu $1.373.044,44, progresu atinje 24,3%.
Akizisaun ba bens korrente ho orsamentu $410.127, seidauk ezekuta, obrigasaun $ 315, kompromisu $150.760, balansu $ 259.052, progresu atinje 1%.
Akizisaun servisu korrente ho orsamentu $266.101, seidauk ezekuta, obrigasaun $455, kompromisu $170.283, balansu $92.634,93, progresu atinje 1,2%.
Renda ho orsamentu $79.000, ezekuta seidauk, obrigasaun laiha, kompromisu $9.000, balansu $7.000.00, progresu atinje 0%.
Transferénsia korrente ho orsamentu $3.032.288, ezekuta $1.554.307, obrigasaun laiha, kompromisu $10,627, balansu $1.467.354, progresu atinji 51,3%.
Akizisaun bens kapitál ho orsamentu $1.874.238,60, seidauk ezekuta, obrigasaun laiha, kompromisu $386.644,65, balansu $1.487.593,65, progresu atinje 0%.
Jornalista : Vitorino Lopes da Costa
Editora : Julia Chatarina
