BAUCAU, 22 maiu 2021 (TATOLI) – Sekretariadu Tékniku Administrasaun Eleitorál (STAE), Munisípiu Baucau, segunda ne’e finaliza ona prosesu apuramentu nível munisipál ne’ebé hatudu partidu Frente Revolusiónaria Timor-Leste Independente (FRETLIN) manán iha Baucau ho totál votu 29.611.
STAE munsípiu Baucau antes ne’e hahú prosesu apuramentu iha loron domingu, 21 maiu, purvolta oras 20:00 kalan hafoin akta lima submete iha salaun apuramentu munisipál, Vila Nova no termina kontajen iha loron segunda, 22 maiu.
Nune’e, rezultadu finál iha tabulasaun hosi munisípiu Baucau partidu polítiku ho númeru sorteiu 11 FRETLIN manán iha Baucau ho tótal votu 29.611 (39,25), tuir kedas partidu Kongresu Nasionál Rekonstrusaun Timorense (CNRT, sigla portugés) ho totál votu 17.372 (23,03%).
Nune’e mós PLP okupa tabela klasifikasaun datoluk ho votu 9.575 (12,69%), KHUNTO 6.157 (8,16%) no PD okupa tabela dalima ho totál votu 4.415 (5,85%).
Enkuantu partidu seluk hanesan PDN total votu hamutuk 55 (0,07%), PLPA 547 (0,73) , PVT 1.647 (2,18), UDT 159 (0,21), PUDD 3.011 (3,99%), PR 250 (0,33%), UNDERTIM 109 (0,14%), CASDT 259 (0,32%), MPLM 69 (0,09%), PST 243 (032%), PDC 168 (0.22%) no APMT 132 (0,17%).
Munisípiu Baucau rejista akta hamutuk 150 ho rezultadu totál eleitór ne’ebé vota hamutuk 75.438 ka taxa partisipasaun 76.08%, kompostu votu válidu 73.779, votu nulu 1.238, branku 364, rejeitadu 6 no reklamadu 48 hosi tótal eleitór 99.158. Apuramentu munisipál finaliza iha oras 20:40 kalan.
Jornalista : Natalino Belo
Editór : Evaristo Soares Martins
