DILI, 07 jullu 2023 (TATOLI)– Ministra Negósiu Estranjeiru no Kooperasaun Senadora Penny Wong informa, ró patrulla Guardian-Class hamutuk rua ne’ebé antes ne’e Governu Austrália promete atu fó ba Timor-Leste juñu tinan oin entrega ona ba Governu Timor-Leste.
“Ró rua ne’e ami promete ona atu fó ba Timor-Leste, ró patrollu nian oinsá halo operasaun iha tasi, juñu ró rua ne’e iha ona Timor-Leste,” Ministra australiana ne’e ba Jornalista-sira iha edifisiu MNEK), Praia dos Coqueiros, Dili, sesta ne’e.
Rekorda fali, iha tinan 2021Governu Timor-Leste liuhosi Ministru Defeza Filomeno da Paixão de Jesus hamutuk ho Embaixadór Austrália iha Timor Leste Peter Roberts, iha Kuartel Jenerál Fatuhada, Dili, asina ona akordu kona-ba infraestutura konstrusaun portu navál ne’ebé sei hala’o iha komponente navál Hera, postu-administrativu Cristo Rei, munisípiu Dili.
Objetivu hosi akordu ne’e mak hodi hein ró patrulla Guardian-Class rua ne’ebé sei mai iha tinan 2023 maibé la konsege tanba kestaun tékniku,
Prezensa ró rua ne’e atu bele kontrola hodi fó seguransa ba parte tasi nian, tanba ró refere presiza infraestutura apoiante.
Hafoin asina tiha akordu, Ministru Defeza konsidera ida ne’e nu’udar istória ne’ebé Timor-Leste marka ho Austrália kona-ba kooperasaun iha setór defeza nian.
Jornalista : Hortencio Sanchez
Editór : Rafael Ximenes de A. Belo
