DILI, 12 jullu 2023 (TATOLI)—Kestaun dezlokasaun traballadór Timoroan ba Portugal no Eropa sai matéria espesífika ida durante sorumutu entre Prezidente Parlamentu Nasionál, Maria Fernanda Lay, kuarta ne’e, bainhira simu audiénsia hosi Embaixadora Portugál ba Timor-Leste, Manuela Bairos, hodi diskute kona-ba relasaun bilaterál entre nasaun rua.
Embaxadora Portugál ba Timor-Leste, Manuela Bairos, matéria espesífika durante sorumutu ko’alia liu interrese relasiona ho mobilidade iha espasu Komunidade País Ko’alia Lian Portugés (CPLP, siglá portugés), traballadór timoroan dezloka ba Portugál no ba Europa no mós matéria língua portugeza forma kooperasaun posibilidade vizita kontaktu bilaterál no asuntu jerál prezensa kultura no realidade portugés relasaun bilaterál dentru iha espasu CPLP ho Timor-Leste.
“Resposta señora Prezidente Parlamentu Nasionál ko’alia mós matéria balun ho situasaun preparasaun joven timoroan desloka ba Europa iha ona preparasaun inisiál, akordu mobilidade preparadu iha Portugál importante, señora Prezidente PN nota kestaun balun no mós manifesta serbisu ho Portugál hodi ultrapasa difikuldade balun,” Embaixadora Manuela Bairos, hateten ba jornalista sira hafoin ramata enkontru iha PN.
Iha parte seluk, Embaixadora ne’e mós informa relasiona ho akordu mobilidade laborál entre Timor-Leste ho Portugál daudaun ne’e iha ona faze finál negosiasaun.
Relasiona ho vizita ba PN, Embaxadora Portugál ba Timor-Leste, Manuela Bairos, hateten, Timor-Leste hanesan vizita dahuluk atu manifesta nia apresiasaun hodi halo kolaborasaun ho Prezidente Parlamentu Nasionál Timor-Leste.
“Ohin, vizita Prezidente Parlamentu Nasionál hanesan vizita dahuluk depois eleita ba Prezidente Parlamentu ne’ebé ho kapasidade dezempeña kargu, manifesta no halo kolobarasaun, señora Prezidente iha Parlamentu kleur ona, apresia mós hanesan feto dahuluk sai Prezidente Parlamentu Nasionál hodi diskute kona-ba relasaun bilateral entre nasaun rua,” Embaixadora Portugál ba Timor-Leste, Manuela Bairos, hateten ba jornalista sira hafoin ramata enkontru iha PN.
Nia dehan, oportunidade ne’e ko’alia mateira importante Portugál nia relasaun ho Parlamentu Nasionál ne’ebé durante ne’e la’o kleur ona desde independénsia Timor-Leste nian.
“Naturalmente kolaborasaun ho Parlamentu diretamente ho Parlamentu Portugál ho Parlamentu Timor-Leste, matéria sira seluk iha kolaborasaun iha matéria respeitu timoroan em-jerál no mós iha Portugál,” nia dehan.
Notísia Relevante:TL-Portugal diskute dezenvolvimentu komunikasaun
Jornalista : Nelson de Sousa
Editór : Cancio Ximenes
