COVALIMA, 04 maiu 2024 (TATOLI)–Tribunál Judisiál Primeira Instánsia Suai (TDS) hala’o julgamentu primeiru interrogatóriu Judisiál iha loron 04 maiu ne´e, juis Samuel da Costa Paicheco lee despaixu hodi aplika medida aprezentasaun periódika ba arguidu ho inisiál GSC ne’ebé komete krime tentativa omésidiu no ofensa grave.
Kazu tentativa omésidiu ne’e akontese iha loron 01 fulan-maiu 2024 iha aldeia Wetaba, suku Beiseuk, postu administrativu Tilomar, munisípiu Covalima.
“Liuhusi julgamentu primeiru interrogatóriu lee despaixu hodi aplika medida aprezentasaun periódika ba arguidu GSC no aplika (TIR) ba aguidu ho inisiál MSC, NM, DAST no PG hodi hein prosesu normal,” Defensór Públiku, Domingos dos Santos, hateten ba jornalista sira hafoin julgamentu iha Tribunál Distritál Dili (TDS).
Iha interrogatóriu dahuluk ne’e, Ministériu Públiku promove krime krime tentativa omesídiu ne’ebé prevista iha kódigu penál artigu 138 no krime ofensa grave prevista iha kódigu penál artigu 146.
Ministériu Públiku promove krime krime tentativa omesídiu ne’ebé prevista iha kódigu penál artigu 138 no krime ofensa grave prevista iha kódigu penál artigu 146.
Kona-bá prosesu tuir mai ne´e, nia hateten, hein de´it investigasaun hosi Ministériu Públika (MP) halo akuzasaun hodi kontinua halo julgamentu.
Audiénsia julgamentu ne’e prezide husi juís turnu Samuel da Costa Paicheco, Ministériu Públiku reprezenta husi Prokuradór Rafael Jeronimo Gusmão no Arguidu hetan asisténsia legál husi Defensór Públiku, Domingos dos Santos.
Jornalista : Celestina Teles
Editór : Cancio Ximenes
