DILI, 29 maiu 2024 (TATOLI)–Prezidente Komisaun Resesaun no Inspesaun iha Ministériu Saúde (MS), Alipio da Costa, hateten komisaun MS halo hela verifikasaun ba ai-moruk no soru-been hamutuk kaixa rihun 180 ne’ebé empreza Sali-Magu Unipesoal, Lda, hatama ba Insitutu Nasionál Farmasia no Produtu Medikamentu (INFPM).
Ai-moruk ne’ebé empreza Sali-Magu hatama ba INFPM iha kinta (23 maiu 2024) lorokraik ne’e iha kontentór hamutuk neen (6) no ekipa komesa hali inspesaun a ai-mori sira-ne’e iha sesta (24 maiu 2024).
“Iha lista ba iha soru-been ne’e hamutuk item 12 ne’ebé empreza Sali-Magu hatamo na ba iha INFPM. Iha soru-been hamutuk kaixa 8.000 ka iha botir 160.000. Ami sobu hotu ona, ami agora halo inspesaun. Iha item 24 ba reajente ba laboratóriu. Ai-moruk konsumavel item 80-resin mak tama ona no reajente iha item 202,” nia dehan,
Nia hateten, to’o agora ne’e empreza Sali-Magu hatama ona ai-moruk esesniál, vital no nesesáriu ba INFPM no iha lista kompra ai-moruk loos de’it ne’e iha 300-resin, konsumavel hamtuk 196 no reajente ne’e hamutuk 386.
Husu kona-ba totál ai-moruk nesesaria, esensial no vital, prezidente komisaun ne’e hateten totál item hamutuk 12 ne’e medikamentu loos de’it, maibé sei halo hela prosesu verifikasaun ba iha ai-moruk sira-ne’e.
Diretór Empreza Sali-Magu Unipesoal, Lda, Sansão Gomes, hateten ona katak empreza iha lista total kompra ba iha medikamentu hamutuk item 900 ba iha INFPM no sei hatama hotu to’o fim fulan-jullu 2024.
Notísia Relevante: Empreza Sali-Magu hatama ona ai-moruk kontentór 6 ba INFPM
Jornalista : Jesuína Xavier
Editór : Cancio Ximenes
