DILI, 19 juñu 2024 (TATOLI)— Embaxadór Naun-rezidente Índia iha Timor-Leste (TL), Sandeep Chakravorty, sorumutu ho Prezidente repúblika (PR), iha Palásiu Prezidensiál, Bairru-Pité, Dili, sesta ne’e.
“Diskusaun foka liu ba relasaun bilaterál entre nasaun rua nune’e mós aproveita selebra Loron Internasionál Yoga ne’ebé hala’o iha iha resintu Palásiu Prezidensiál Nicolau Lobato,” Sita komunikadu ne’ebé TATOLI asesu, ohin.
Iha selebrasaun ne’e, aproveita kuda ai-hun hanesan parte husi selebrasaun Loron Internasionál Yoga ne’ebé halao iha Timor-Leste. Inisiativa kuda ai-hun simboliza amizade no troka kultura ne’ebé kle’an entre país rua.
Entretantu, sorumutu ne’e kobre, hametin ligasaun entre Timor-Leste no Índia iha setór oioin, inklui komérsiu, edukasaun no kapasitasaun.
Líder rua ne’e ko’alia liu kona-ba sira-nia kompromisu atu promove ambiente ida-ne’ebé kondusivu ba kresimentu bilaterál no dezenvolvimentu.
Notísia relevante:Índia hakarak apoia TL iha área dijitalizasaun sistema identidade no pagamentu
Jornalista : Felicidade Ximenes
Editór: Rafael Ximenes de A. Belo
