iklan

INTERNASIONÁL, DILI, HEADLINE

Índia hakarak apoia TL iha área dijitalizasaun sistema identidade no pagamentu

Índia hakarak apoia TL iha área dijitalizasaun sistema identidade no pagamentu

Embaixadór Índia ne’ebé laiha rezidénsia iha Timor-Leste, Sandeep Chakavorty. Imajen/Media PR

DILI, 18 juñu 2024 (TATOLI) –Embaixadór Índia ne’ebé laiha rezidénsia iha Timor-Leste, Sandeep Chakavorty, tersa ne’e, iha Palásiu Prezidensiál Bairru-Pité-Dili, hasoru malu ho Prezidente Repúblika (PR), José Ramos Horta, hodi afirma inisiativa hakarak apoia Timor-Leste iha setór programa sistema dijitalizasaun.

“Ha’u hasoru malu ho Embaixadór Índia nian ami diskute asuntu lubuk ida, sira hakarak atu asina lalais akordu ho Governu Timor-Leste atu ajuda halo diJitalizasaun kompletu ho sistema identidade no pagamentu,” Xefe Estadu hateten ba jornalista sira iha Dili, tersa ne’e.

Iha hasoru malu ne’e, diskute mós kona-ba iha tempu besik Índia sei estabelese nia Embaixada iha Timor- Leste.

“Ami mós ko’alia kona-ba Índia iha tempu besik sei haruka sira nia Embaixadór ho nia ekipa mai estabelese sira nia Embaixada iha ne’e, sira buka loos fatin atu estabelese Embaixada no rezidénsia atubele hela”, nia afirma.

Daudaun ne’e, Governu esforsu hela buka fatin hodi oferese ba Embaixadór husi nasaun Ingleterra, Singapura no Índia rasik maibé sei iha prosesu negosiasaun entre Ministériu Negósiu Estranjeiru no Kooperasaun (MNEK) no Ministériu Justisa (MJ).

Notísia relevante: Governu kontinua esforsu buka rai fó ba nasaun amigu sira harii Embaixada

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!