iklan

NASIONÁL, INTERNASIONÁL, DILI, HEADLINE

Governu kontinua esforsu buka rai fó ba nasaun amigu sira harii Embaixada

Governu kontinua esforsu buka rai fó ba nasaun amigu sira harii Embaixada

Ministru Negósiu Estranzeirus i Kooperasaun, Bendito dos Santos Freitas. Imajen Tatoli/Francisco Sony

DILI, 09 maiu 2024 (TATOLI) – Govenrnu liuhusi Ministru Negósiu Estranjeiru no Kooperasaun (MNEK), Bendito Freitas, hatete kontinua esforsu buka hela rai nune’e fó ba nasaun amigu sira harii Embaixada.

“Iha reuniaun bilaterál ho nasaun sira hanesan, India, Singapura, Reinu Unidu, Àngola no seluk tan sira hakarak harii sira nia Embaixada iha Timor-Leste, entaun ita esforsu hela buka rai atu ba fó sira hodi harii sira nia Embaixada,” Ministru Bendito katak ba jornalista sira iha Palásiu Governu, kinta ne’e.

Daudaun,  MNEK koordena ona ho Sekretáriu Estadu Terras Propriedade (SETP) buka rai ne’ebé di’ak fó ba nasaun amigu hirak ne’e.

“Ita nia relasaun bilaterál importante tebes, hanesan India sira nia Prezidente rasik mak husu mai ita atu loke sira nia Embaxada iha Timor-Leste, hanoin ida ne’e importante tebes,” Ministru ne’e katak.

Tanba ne’e, Governante ne’e promete iha tinan ne’e nia laran rai ba nasaun amigu hirak ne’e iha ona nune’e tinan oin bele entrega ba nasaun hirak ne’e hodi konstrui sira nia Embaxada.

Enkuantu, Nasaun sira ne’ebé dadaun ne’e sai belun di’ak ho Timor-Leste hodi harii ona Embaixada mak hanesan, Brazíl, Portugal, Xina, Brunei Darusalam, Austrália, Nova Zelandia, Uniaun Europeia, Xina, Estadu Unidu Amérika (EUA), Indonézia, Japaun, Korea Súl, Malázia, Filipina, Thailandia, Sharawy no Santa Sé.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!