DILI, 16 setembru 2024 (TATOLI) – Diretór Servisu Apoiu Diagnóstiku no Terapeútiku Hospitál Nasionál Guido Valadares (HNGV) Vidal de Jesus Lopes, informa iha sekuénsia vizita Papa, bebé moris iha ospitál hamutuk 46.
“Hahú husi loron 9 to’o 11 fulan ida-ne’e, bebé ne’ebé mak moris iha HNGV hamutuk 46, husi ne’e feto 26 no mane 20”, Vidal de Jesus Lopes, informa iha HNGV.
Vidal dehan, inan sira ne’ebé partu normál ne’e hamutuk 33 no liuhusi operasaun iha na’in-hitu, husi ne’e bebé hamutuk 46 kondisaun di’ak no laiha ida mak mate.
“Inan sira ne’ebé mak hetan operasaun ne’e, tanba forsa mak laiha atu partu normál, entaun profisionál saúde sira deside tenke liu husi operasaun maibé buat hotu lao ho di’ak”, nia esplika.
nia relata, durante misa iha Tasi-Tolu, postu saúde no ospitál temporáriu rejista pasiente maioria ho kondisaun kolen no dukur.
“Pasiente sira ne’ebé iha postu saúde ne’ebé mak koloka iha ne’ebá no ospitál temporáriu rejista maioria pasiente ne’ebé mak kolen no dukur mak halo sira monu no balun oin halai hafoin hetan tratamentu iha fatin sira ne’ebé mak dezignada ona.
Nia afirma, postu saúde hamutuk 20, kada postu iha pesoál saúde hamutuk 25, katak postu saúde 20 relata relatóriu tama hamutuk sarani ne’e kauze 500-resin ne’ebé mak atende iha postu saúde sira.
” Bainhira ita trata diak sira, fila fali ba sira nia fatin, totál pasiente ne’ebé mak rejistu iha postu saúde 20 ne’e hamutuk na’in 500-resin depois iha ospitál temporáriu iha 59 mak médiku sira atende”, nia afirma
Jornalista : Felicidade Ximenes
Editór : Zezito Silva
