DILI, 25 Fevereiru 2025 (TATOLI)-Mariano Fernandes Xavier Malik, subtitui temporáriu deputadu Partidu Demokrátiku (PD), António da Conceição ‘Kalohan’.
“Ha’u konvida Deputadu Mariano Fernandes Xavier Malik hola fatin, benvindu distintu Deputadu”, Prezidente Parlamentu Nasionál Interina no atuál Primeira Vise Prezidente PN, Maria Teresinha Viegas, hato’o iha reuniaun plenária Parlamentu Nasionál, tersa ne’e.
Antes halo subtituisaun, Sekretária Meza PN, Virgina Anabelo, lee sai karta ne’ebé dirije ba Prezidente PN, ba asuntu subtituisaun temporáriu husi António da Conceição ‘Kalohan’ husi bankada PD sei labele hala’o kna’ar iha PN iha loron tolu tui-tuir malu, tanba hetan ona pose no noemeasaun husi Prezidente Repúblika iha 12 Fevereiru 2025 hodi hala’o kna’ar nu’udar Embaxadór iha Suisa.
Nune’e Kalohan hato’o ba Prezidente nia justifikasaun antesipada hodi la halo serbisu PN no nia subtituisaun temporária husi kandidatu la’ós eleitu iha eleisaun Parlamentár hanesan haktuir iha lista tuir mai akordaun Tribunál Rekursu Nuc 0023/2023 TR DIl hodi halo tuir artigu 4 aleina 4, artigu 5 númeru 9 no númeru 1 husi lei númeru 5/2004 Estatutu Deputadu, artigu 15 husi lei númeru 6/2006, lei Eleitór ba Parlamentu Nasionál no artigu 5 iha rejimentu PN ne’ebé publikadu iha jornál repúblika, Dili 24 Fevereiru 2025, Deputadu António da Conceição ‘Kalohan no Manuel Henrique Noronha, Xefe Bankada.
Sekretária Meza, lee mós karta ne’ebé dirije ba Prezidente PN, asuntu aseitasaun ba subtituisaun temporária liuhusi karta ne’e Salvadór Serão dos Santos ho númeru kandidatura 10 tuir lista TR iha leitura akordaun Nuc 0023/2023 TR, DIL no halo tuir lei númeru 9/2017, 05 Maiu kona-ba Eleisaun Parlamentár no alterasaun daha’at lei númeru 6/2006, 28 Dezembru, númeru 3 artigu 15, nune’e deklara la disponível atu subtitui Deputadu Kalahon eleitu iha lejislatura daneen, tanba hala’o hela kna’ar nu’udar adidu komérsiu iha provínsia Nusa Tengara Timur, Kupang, Indonézia, ho razaun ne’e aseita hodi fó fatin ba kandidatu iha lista tuir mai ne’ebé haktuir lista TR iha leitura akordaun NUC 0023/23TR DIL.
Deputada Virgina, lee mós karta direje ba Prezidente PN aseita ba subtituisaun temporária liuhusi karta ne’e Rozenha Fátima de Oliveira Martins ho númeru kandidatura 9 tuir lista TR iha leitura akordaun NUC 0023/23TR DIL no halo tuir lei númeru 9/2017, 05 Maiu kona-ba Eleisaun Parlamentár no alterasaun daha’at lei númeru 6/2006, 28 Dezembru, númeru 3 artigu 15, nune’e deklara la disponível atu subtitui Deputadu Kalohan eleitu iha lejislatura daneen, tanba hala’o hela estudu doutoramentu universidade Udayana Bali-Indonézia, ho razaun ne’e aseita hodi fó fatin ba kandidatu iha lista tuir mai ne’ebé haktuir iha lista TR nian.
Ikus liu, Sekretária Meza lee sai karta ne’ebé dirije ba Prezidente PN, asuntu aseitasaun subtituisaun temporária, liuhusi karta ne’e Mariano Malik ho númeru kandidatura 11 tuir lista TR leitura akordaun NUC 0023/23TR DIL ne’ebé haktuir iha lei númeru 9/2017, 05 Maiu kona-ba Eleisaun Parlamentár no alterasaun daha’at lei númeru 6/2006, 28 Dezembru, númeru 3 artigu 15, “Nune’e mak, ha’u deklara katak, ha’u aseita atu subtitui temporariamente Deputadu eleitu iha lejislatura daneen, António da Conceição, mak ne’e de’it ba konsiderasaun no kooperasaun di’ak, ami hato’o obrigadu”.
Notísia relevante: PR Horta nomeia Antonio Kalohan sai Embaixadór TL iha Suisa
Jornalista : Nelson de Sousa
Editora : Rita Almeida
