DILI, 17 Setembru 2025 (TATOLI) – Diretór Nasionál Rekursu Umanu iha Ministériu Edukasaun (ME), João Amaral, informa, bolsa kandidatu ba grupu rekrutamentu 1° no 2° siklu Ensinu Báziku (EB) sei simu pose iha 29 Setembru 2025.
“Ida-ne’e ba grupu kandidatu 187 ne’e. Nune’e, iha 22 -27 fulan ne’e sira sei tuir formasaun ba preparasaun iha INFORDEPE. No iha 29 fulan-ne’e sira pose,” nia dehan ba TATOLI, via telefone, Kuarta ne’e.
Notísia relevante: Profesór BK 187 sei asina termu aseitasaun antes partisipa formasaun iha Rairobo
Bazeia ba Despaixu Ministérial númeru 21/2025 de 19 de Agosto, kona-ba xamada ba kandidatu integradu iha bolsa kandidatu ba grupu rekrutamentu 1° no 2° siklu ensinu báziku atu okupa vaga iha kuadru pesoál edukasaun Ensinu Báziku.
Nune’e, Diresaun Nasionál Rekursu Umanu ho koordenasaun ho Institutu Nasionál Formasaun Profisionál Dosente (INFORDEPE) no Diresaun Nasionál Ensinu Báziku, hakarak informa ba kandidatu sira ne’ebé aseita ona xamada iha loron 25-29 Agostu 2025 atu marka prezensa iha formasaun preparatóriu molok koloka iha eskola sira.
Notísia relevante: ME sei fasilita formasaun pedagojia ba profesór 187 rekrutadu husi bolsa kandidatu
Pontu importante sira atu anota:
- Husu ba kandidatu sira atu mai partisipa iha sesaun informasaun kona-ba preparasaun formasaun preparatóriu iha 20 Setembru 2025, iha INFORDEPE, oras 09h00.
- Kandidatu sira presiza lori:
- Roupa formál kazaku metan ba feto no mane no sapatu metan (preferível kamiza/bluza mutin iha laran);
- Roupa jinástiku no sapatu hodi halo ezersísiu.
Husu ba kandidatu sira-ne’ebé aseita ona ho xamada kolokasaun atu prontu partisipa iha formasaun preparatóriu ne’e hodi garante preparasaun adekuada bainhira koloka iha eskola ensinu báziku sira.
Jornalista: Osória Marques
Editór: Rafael Ximenes de A. Belo
