DILI, 08 2025 (TATOLI)- Governu liuhusi Ministériu Interior, planeia halo promosaun diviza ba ofisiál superiór Polísia Nasionál Timor -Leste (PNTL).
Promosaun ne’e sei halo ba ofisiál superiór sira hahú diviza Superintendente Assistenste, Superintendente no Superimtente Xefe.
“Promosaun ne’e sei iha,” Ministru Interior, Francisco Guterres, hateten ba jornalista sira hafoin partisipa reuniaun Konsellu Ministru, iha Palásiu Governu, kuarta ne’e.
Daudaun ne’e Ministeriu Interiór sei foka hodi hadi’a regulamentu orgánika PNTL nian mak foin realiza promosaun diviza ba ofisiál superiór sira.
“Agora ita buka hadi’a didi’ak tiha lai regulamentu orgánika PNTL mak ita foin halo promosaun,” nia katak.
Jornalista: Natalino Costa
Editór: Evaristo Soares Martins
